How to activate internet at your phone

Mobile phone a internet connection nei tur chuan GPRS configuration settings kan neih hmasak a ngai a. Hei hi kan service provider te atangin dil mai theih a ni. Hetiang hian settings i nei thei ang:-
Airtel       - SMS ‘FUN’ to 543210 or SMS ‘MO’ to 543210 or SMS 'LIVE' to 121
BSNL      - SMS ‘LIVE’ to 58355 or call 9400024365 or Sms GPRS to 53733 or call 94000 24365.
Vodafone - SMS ‘VL’ to 52586 and SMS ‘VMC’ to 52586SMS ‘ACT VL’ to 144 and SMS ‘ACT VMC’ to 144, • Postpaid customers, sms ACT VL to 111 (toll free)
Aircel       - SMS 'PI'' to 121
Idea         - SMS 'SET' to 54671
Reliance   - SMS ALL'' to 55100
Loop Mobile (BPL Mobile) - Call 50800 to activate your GPRS service.
MTNL - Sms ACT GPRS to 444

Secure your facebook account

Mizo te zingah pawh Facebook hmang kan tam in kan hmang nasa ta viau hlawm a. Chutih rual chuan Facebook hi khawvel huapa site lar leh tlawhthu/hmangtu ngah a nih avangin hackers ten nasa takin an target a. Account hack dan hrang hrang te pawh an hmuchhuak tawh a. Chutih rual chuan security an dah that em avang hian hack theihloh tluk deuhthaw a ni.

Mizo te zingah pawh account hack sak kan awm ta nual mai. A chhan ni ber a lang chu kan security kan dah that tawkloh vang a ni. Kan security kan dah that chuan kan account hack tum anih pawhin hriattirna kan dawng zel dawn a. Hack theihloh tluk a ni ber mai.

Kan fb account a him theih nan a pawimawh ber chu facebook site pangai nilo, site dang atanga fb a luh theihna link awm leh fb account hmanga an site a log in theihna nei website ho hmanloh a him ber. A chhan chu an site atanga i fb account hmanga i log in rual khan i user ID leh password kha an hriat theih ve vek zel vang a ni. Hei hi hackers ho in mi tamzawk account hack nana an hman tam ber a ni.

Facebook a security siam tur chuan facebook page ah i luh phawt a ngai a. Page dinglam sir chunglam ah khan Home tih bul arrow ah khan click la, Account settings ah khan i click leh dawn nia.
Account settings page lo lang ah khan veilam sir ah security tih a awm anga, i click dawn nia.
Secure browsing tih sir dinglam a edit tih ah khan click la, check box kha i tick anga, i save dawn nia.
Login Notification tih kha edit click leh la, a box lo awm kha i tick leh anga, i save leh dawn nia.
Hmun dang atanga i account an lo hawn vaih chuan hriattirna i dawng zel tawh dawn a ni.
 
Heng hi i tih zawh chuan i profile ah lut la, about tih ah click leh la.
  
Contact Info tih ah khan edit tih kha click leh la, Emails kha Only Me ah dah ve ve ang che. Chumi zawh chuan i save dawn nia.

Heng bakah hian pawimawh em em, a pawimawh ber chu security question, midang in an rawn risk dik mai mai theihloh tur dah bawk tur a ni.

DVD No disc

DVD Player te hi play zin deuh emaw eng eng emaw avangin Disc tray a disc kan thun hian play theilo in 'NO DISC' error a rawn lang thin a. Hemi lo awm chhan leh a siam dan sawi dawn ila.
DVD No Disc Error a lo lan chuan a hmasa ber ah a Disc kha check phawt tur a ni. Disc a kha a rang nasa tawh lutuk emaw, khawi emaw lai a lo khem tawh emaw vang te in disc hi a play theilo ve thin ani.
Disc thar han thun chhin la, chu pawh chu a la play theih chuanloh chuan DVD lens kha a fai loh vang a ni ve thei a. Lens Cleaner in han ti fai la.  No disc error a la lan fo chuan a spindle motor, a disc ti vir tu ber kha check leh ang che. DVD No disc error ah chuan he spindle motor hi thlak ila a tha tlangpui.

What is a website?

Website  chu thu, thlalak, video leh eng eng emaw internet hmanga en theih hi a ni. Website chu computer a hard disc a kan thil dah ang deuh a, server pakhata dah khawm, internet emaw, Local Area Network hmang emaw a address mumal tak nei a kan en theih a ni.

Website hian page hrang hrang a nei a, chungte chu a nihna tur ang taka kan lo en theih nan programme bik hmanga siam a ni a. Programme hrang hrang a awm na in a lar ber chu html hi a ni. Programme hrang hrang awm mah se heng programme te hi en theih tur chuan html anga a awm leh vek a ngai thin a ni.

Web page te hi a nihna ang taka en anih theih nan hruaitu a awm thin a. Chu chu Hypertext Transfer Protocol (HTTP) an ti a, website designed na programme hrang hrang te mumal tak a min entir thei tu a ni. Entirnan, he site hi php leh javascript hmanga siam a ni a, a file pangai ah chuan thu(text) vek a inziak a ni a, thlalak te, video te leh thu eng eng emaw kan ziah te pawh he code hmang vek a ziah hi a ni a. Chu chu a nih dan tur ang takin, thlalak te, video te pawh a nih dan tur ang taka kan hmuh theih nan HTTP hian hna a lo thawk a ni.
Website te hi en thei tur chuan a page tin te hian hming an nei vek a. Chung ho chu thlunzawm(link) an ni ta thin a. Tichuan website kan en theihna tur chuan hming mumal tak kan neih a ngai a. Chu a hming neih hmang chuan kan en thei ta a, ebsite kan hawn a page lo lang hmasa ber hi Home page an ti a, chu chu kan website hming Uniform Resource Locator (URL) kan chhut a lo lang mai thei chu a ni ta ani. He home page atang hian kan website a page hrang hrang leh kan thil duh te chu hming phuah in kan zawm kual ta thin a ni. Chu chu a lo en tu ten an duh apiang an lo select theih na chhan hi a ni ta ani.

Website hi thil chi hrang hrang atan a hman theih a. Thian kawm nan te, bazar nan te, news chhiar nan te, email thawn nan te, Game khelh nan te leh thil tam takah a hman theih a ni.

How to create blog at blogger

Blog hi hmun hrang hrang ah siam theih na a awm nual a. Website pangai ang deuh a mahni page design han upload ve mai na tur te pawh a awm a. Mahse mahni a website design thiam ve lemlo te chuan Blogger leh wordpress hi an hman lar deuh te an ni a. Nakina kan article ziah leh tur atan a tangkai dawn avangin tun tumah chuan Blogger a blog siam dan chauh hi kan sawi dawn ani.

Blog kan siam hma in blog tangkaina i sawi hmasa phawt teh ang. Blog hi thil tangkai ve tak mai a ni a. A bik takin website siam theilo ho tan hian a tangkai a. Kan thuziak te leh kan thlalak eng eng emaw te dahthat ve theih a ni a. Thiante nena kan in tlawhpawh theihna leh hunawl hnawhkhah nan te a tangkai ve em em ani. Tin, internet a website hrang hrang ka enkual atangin nakin zela ka la mamawh tur leh ka la duh tur thuziak leh thlalak te blog ah hian ka vawm lut thin a. Website a tam avangin chhinchhiah vek te a lo har thin a, heng hunah hian mahni blog a ziah keuh mai hian nakin zel atan thil a ti awlsam in zawn hmuh mai a awlsam bik ani.

Your computer can talk!

Have you ever wondered how can you make your computer speak whatever you input to it like in the movies? Would it not be fun? If only it was possible! Rejoice, because now it is possible. Well, if you wish to know how to do this, then you have come to the right place. With this trick, you can create a script in Windows which will make your computer speak whatever you input to it.


To create one such talk script, follow the steps given below:-

1. Open Notepad, Copy and paste the exact code given below.
Dim message, sapi
message=InputBox("What do you want me to say?","Speak to Me")
Set sapi=CreateObject("sapi.spvoice")
sapi.Speak message

2. Click on File Menu, Save As, select All Types in Save as Type option, and save the file as Speak.vbs or "*.vbs".

3. Double click on the saved file, a window will open like the one in the image. Enter some text in enter text column and click OK.
Now your Computer will speak / talk what you typed in 

Upeka

Kan naupan lai khan sek nih te, lian nih te, chak nih te kan chak thin a. Chung zawng zawng chu a neih vek avangin Upeka nih kha kan chak thin.
Kan u te rual daih a ni a, a nau te ho nen kan inrual tawk vel a. Mahse kan inkawm ngeih em em tho ani. Upeka hian hma takah nupui a nei a, an inneih hian kum 18 vel a ni a. An nu hi kum 15 vel a ni bawk. Mak em em chu naupang taka innei si kha vawikhat mah an inthen lova, an inhauh kan hre ngai bawk hek lo. Hetiang taka pa fel leh zaidam hi Kohhran lamah pawh an chhawr tangkai em em a. KTP ah phei chuan a hunlai khan Leader a ni char char ani. Chutiang khawp chuan member te pawhin kan ngaina a, kan duh ani. Amaherawhchu mihring hi a famkim vek theih lova. A pa te hian zu an zuar tlat mai. Upeka hian a vei em em thin a, kohhran ah pawh hmang nasa in duh hle mah ila hei hian nasa takin amah ah inthlahrunna a neih tir a, a khawngaihthlak thin hle ani.
An zu zawrh thin titawp tur chuan theihtawp a chhuah a. An chhungkua hi an rual a, eizawnna kawng han ngaihtuah in sawrkar hna thawklo nafam chuan zu zawrh mai pawh chu thil awl tak ani ngei ang. Chu chu kum 15 vel bawr Upeka hian a hre ve kar mai. Mahse a nu leh pa te chu bansan turin a ngen reng a. An lu chungah kut nghat a tawngtai in zu zawrh bansan duhna thinlung an put theihnan Pathian a au thin a. Amah pawhin hna a thawk rim in an zu zawrh an bansan theihna anih phawt chuan a taksa chau leh na themthum te pawh chu engah mah ngailo in thahnem ngai takin hna a thawk a. Amah a tang bawk a, a zawhtawk bak in hna a thawk a, chu chu a taksa pawhin a tuar tan ta ani.

Tichuan hun a kal zel a, a nu leh pa te pawh chuan an hmaizah avangin zu zawrh chu an bansan ta a. Tunah chuan kohhran lamah pawh a kul atai a kan mi hman te an ni tawh ani. Hetiang a mahni nu leh pa, chhungte bula missionary hna ropui tak thawk tan thei hi an vang hle awm e.A hnathawh hah avanga a taksa na chu a zual zel a, heti chung hian a theihtawp chhuah in a thawk zawm zel a. Chhungkaw chawm bakah a nau te pawh a chawm tel a. A nau chiah hian Hindi Bth. zir zo tawhin missionary in a chhuak mek a. A nau mipa pakhat pawh velore ah male nurse in a awm a, nipa pakhat chu Assam Regiment ah a tang mek bawk.
A taksa chuan chhiat lam a pan telh telh a, a chau ta vak mai a. A vung chiam bawk a. Tichuan Aizawl lamah inentir turin an kal ta a. A natna ber an hre fuh thei lawklo a. A tawp ah chuan TB ani e tiin TB treatment a la ta a. A natna an hrefuh ta chu kan lawm tlang hle a, a tha chhuak ve mai turah kan ngai a. Amah pawh a hlim hle ani.
Tichuan damdawi a ei chho a, a tha mai tura kan ngaih laiin a tha thei ta tlat lo mai a. A kum leh ah chuan Aizawl panpui leh a ni a. Doctor hran an pan ta a. Chuta an lo en na ah chuan TB nilovin Lung lam thalo ani tih an lo hmuchhuak ta a. A damdawi ei lai pawh chu tihtawp nghal vek ani a. Tichuan lung lam thalo enkawl in an enkawl chho ta a. Amah pawh chu a tha chho chak in reilote ah hna te pawh a thawk thei ta nghal mai a. Amaherawh chu chhungkua bakah a nau te lehkhazir chawm anih avangin a thawk hah em em maia. Tichuan a natna ngai bawk chuan a rawn tibuai leh ta a.
Aizawl lamah te inenkawl leh mahse a tha thei tak tak tawh lo va. Chaklo tak chungin a theih tawk pheikhawk chhe siam chu a la thawk tho thin. Chutiang anih mek lai chuan a nu leh pa te chuan an indan tir mauh maia. An in leh lo thar zawng zawng chu an mahni kutkawih liau liau in an sual chhuak leh ta a. A nau te ho pawhin hna te an lo nei chho tan a,  a chhawr ve hman dawn tan chiah tih ah chuan a chau leh ta a. Tichuan hma sawn theilo in a chaklo tial tial a. Kumin November thla tir khan a boral ta ani.
A nun ah hian entawn tur tam tak a awm in ka hria. A inpekna te, Pathian a tih tlat na te hi a ropui em em a. Pawn chhuak theilo a kum khat dawn thaw a awm chhunga a chak ber chu Biak in a inkhawm a Pathian fak ani. Mahse a taksa lamin a tlin loh avangin a inkhawm thei thin silova.
Tin, a zaidamna hi a entawn tlak em em bawk a. Kum 10 dawn lai kan inkawm chhung khan a thinrim hi ka hre ngai lova, mi pawisawi a hlau in a mah a in thlahrung dek thin ani. Hetiang a ka thianpa fel tak hian min boral san tawh mah sela, keini a thiante rilru ah chuan UPEKA a ni kumkhua tawh dawn ani.

Website ka siam leh

Tunlai chu website eng eng emaw ka buaipui thin a, website siam vel leh buaipui vel hi ka nuam tih zawng a lo ni ve bawk nen, ka siam deuh reng mai, ka thiam lutuk lemlo na in.

Mizo website hrang hrang ka enkual hian bazar theihna tur lam website hi a la vang hle mai a. Chuvang chuan kan siam ve chhin rawih mai a. Amaherawhchu dah tur lam hi ka la nei vak lova, ka zawng khawm mek bawk a. Rei vaklo ah chuan dah teuh theih erawh ka tum a.

Ka siam thar chu i lo en ve duh anih chuan www.emes.in hi ania. Mamawh i neih chuan hetah hian la awm tlem hle mah se lo zawng ve thin la..

Pawisa hi cheque emaw, money order a thawn mai turin ka la ti rih a. Rei vak lovah paypal atanga tih theih turin dah leh ka tum a. Tin, card hrang hrang leh internet banking te, mobile banking hmanga lei theih turin ka buaipui mek bawk.

A tlaw thlak emai

Hmanni chu kan khaw lui pakhat a chakai chu turin an lo hrai a. A hraitu te hi man an ni in chawitir an ni a. He thu hi kan Branch YMA chanchinbu ah min rawn chhuah tir a. Ka ngaihtuah ta mai mai a, patling pumpa ve tan chuan a themtlaw thlak viau a hriatna ka nei tlat mai.
Kei pawh hi lui kal nuam ti tak mai ka ni a. Len den leh nghakuai khai ka peih thin khawp mai a. Tin, chakai hi ka ei tha peih miahlo nain a man lam hi chu ka peih ve khawp mai. Abik takin chakai phei chu lui dung han zawh hian mahni chhung eikhawp hi chu a vakchhuak man mai tur a la tam em em si a. Tur hmanga beih chiam hi a tullo ka ti khawp mai. A tlaw thlak emai.
Nungcha te leh thing leh mau te hian kan hringnun a ti nuam a. He khawvel hi chenna tlak a siamtu an ni si a. Chutih lai karah Pathian in anmahni enkawl a, chenho pui tura a siam mihring te hian nungcha leh thing leh mau humhalh nachang hi kan va hrelo in kan va la mawl tak em!!!

How to make money online


Earn upto Rs. 9,000 per month with PaisaLive.com!

Hi ,
I have something interesting for you - you can easily earn regular income online via PaisaLive.com!

It’s really amazing! You get paid to open & read the contents of PaisaLive mails. You also receive special discount coupons, promotions and free passes to various events in your city.

Join now and get Rs. 99 instantly, just for joining. What more, as a special bonus you get paid for inviting your friends also!

Create your PaisaLive Account & refer your friends to earn launch referral bonus on every new registration. 


PaisaLive - Get Paid to read emails

Pawt mai mai ang

Tun thla chu ka blog ka update khat hle mai. Hna tul neuh neuh ka nei ve bawk nen, ziah tur lam ngaihtuahna hun a awm meuhlo tlat mai. Ka hunawl neih chhunah lah Facebook leh Misual lamah ka hun ka hmang zel bawk si. Blog lam pawh ka ngaihsak hman love.
Ka thil tha tih te:- Phat mawi nan hei hi ziak ve mai mai teh ang, hehe. Ka buai em em laia ka thil tih pakhat chu chuktuah huan lamah buai namen lohin ka buai a. Thlai chi hrang hrang ka enkawl a, hunawl pawh ka nei hman meuhlo ani.

Mizo Hlakungpui Mual lamah buai namen lohin ka buai bawk a. Archive building sakna tur buaipui a ngai bawk si. A tirhkah a tang tawk lek in Join Secretary ah kan awm vei khanglang lehnghal. Information and Publicity ah secretary ka lo ni vei bawk nen. Kan website tih changtlun chhoh kan duh bawk si a. A design turin min ruat a, kei mahin ka mal beih leh bawk si. Mahse a hna hahthlak zualpui ka zo a, a hmelhmang tur awmang chu ka peih fel thei ta e. In lo bih ve mai mai duh takin www.emes.in ah hian en theih in ka dah e.
Mahni nuam tih zawng nih vang ngawt in website ka nei ve khanglang a. www.samtea.in hi ania. Enkawl vei reng a lo ngai tan ve ta tlat mai, min hlut der sak tu te zar ah. Buai mep mep tak ka ni. Chutah kan Branch YMA chanchinbu Esitor ah ka tang a. Kan branch YMA chanchinbu a kan thu chhuah te internet lamah hmun danga kan khawchhuak awm te chhiar ve theih turin kan dah a, chu chu buaipui a lo ngai vei bawk nen.
RD Block lamin website an siam dawn a. A buaipui turin min rawn ruat a. Chu pawh chu ka duh angin ka chei hnum hman lo. Tlem azawng ka ti a, ka chawlhsan ta rih mai. Mi te chuan team angin an enkawl thin kha mahni in engemaw zat han enkawl mai chu hautak ve tak ani.
Ka hun hman dan: Zing dar 7 ah ka tho tlangpui a. Thingpui ka in zawh ah current a awm that chuan Internet lamah ka bur nghal chat a. Dar 8 velah tukthuan kan ei tlangpui a. Chumi hun chhung chu ka awl ve zawk hman. Chaw ei kham lamah thingpui hang ka in ziah a. Chumi hnu chuan thil siam tur(Electronics bungrua) ka neih chuan ka siam thin. Ka neihloh chuan huan lama kal a ngai. Dar 3 vel ah ka inbualfai a, computer lamah ka hna ka tan leh a. Zanriah ei hunah ka chawl leh. Dar 5 vel bawr ah zanriah kan ei tlangpui. Zan lamah hian chaw eikham atanga zan dar 8 thleng vel te TV ka en ve thin a, ka chhung te ho nen kan in chhaih ve theih hunlai a ni. Zan ah hian dar 2 atanga dar 3 inkar ka meng thleng tlangpui a. Hemi chhung hian ka keyboard hi ka malchunga pawm chungin hna thawh pahin ka facebook thin ani.
Ti zawng hi ni phawt rawh se. Dar 4 a lo hnai ta.

How to adjust blog width easily

The new Blogger Template Designer has made it very easy to change overall blog width as well as the width of the main column and the sidebars. All you need to do is to sign into Dashboard, click DESIGN (see screenshot below):


After that click at TEMPLATE DESIGNER (see screenshot below):
Click at ADJUST WIDTH(see screenshot below):

After clicking ADJUST WIDTH, you will be provided with sliders to drag and drop to whatever values your heart desires, then click APPLY TO BLOG to save the new settings (see screenshot below):

Teacher's Day chibai

Vawiin zirtirtu te ni a lo thlen hian khawvel hmun hrang hrang a zirtirtu te duhsakna chibai ka buk che u a. A bik takin thiamna leh finna min pe a min zirtirtu ka zirtirtu te, tuna nung dama la awm te leh mual min liamsan ta te zawng zawng chibai ka buk che u a ni. 

Ka school kal hunlai khan zirtirtu te hi eng anga hlu nge an nih ka lo hre ngai lo a, ka tana an pawimawhna pawh ka lo ngaihtuah ngai lemlo thin a. Tun thlenga ka nun kaihruaitu leh mite anga min siam tu an nih reng ka lo ngaihtuah ngailo.
Tun hnu ah hian ka tana in lo hlut zia ka hrechhuak a. Finna leh thiamna, mi pangai ang pha tura in mi zirtir thinna leh in mi fuih thinna te ka lo hai der avangin in ngaihdamna ka dil ani.

Zirtirtu te hi ram leh hnam dinchhuah na pawimawh ber in lo va ni chiang tehlul em. Zirtirtu awmlo sela chuan he khawvel ah hian Scientist te, Doctor te, Engineer te, Sipai etc te leh kan ram hruaitu, kawng tinreng a kan ram khalhngiltu te hi an awmlo tawp ang le.

Hack your friend's computer

Lets hack our friends computer from our computer just for fun.

I made a simple hacking software for hacking a computer, download and send it to your friend. When your friend open it, you start hacking their computer.

My software is virus free and it did not stole their information. It just open notepad and internet explorer continuously, the computer cannot run a thousands of program at once and it hangs.

This program can be stopped by pressing restart button. After they restart computer, the computer will be in a normal conditions.

Click Here to download

Ka hmangaih ka fawp

He khawvel a kan lo pian chhuah hian siamtu chung Pathian in kan khawsak dan phung tur rel fel sa a nei thin a. Chung zingah chuan Pathian in mihring te min pek zinga ropui ber mai hmangaihna hian mi tin min fan a, min bual anih hi.
Hmangaihna hi tungcho a piang he khawvel a seilian mihring te chuan kan hringnun a kan tawng ngei ngei tur leh kan neih ngei ngei tur thil a ni a. Khawvela misual ber pawhin hmangaihna hi chu tlemte tal chu a nei ve ngei ang. Pathian in he khawvel ah hian chi tam tak thlaha awm turin min ruat a. Chuvang chuan mihring te inkar ah hian he hmangaihna ropui tak hi a dah a. Kan nun a bet tlat, kan pian tirh ata kan neih sa thlap a ni. Hmangaihna neilo mihring a awm theihloh a. Hmangaihna neilo a inhria pawhin hmangaih tur a neih loh avanga hmangaihna nei talo emaw a a inngaih vang chauh a ni. Kan hmangaih zawng erawh a inanglo thluah hlawm ang.

Hetiang anih avang hian Pathian in min pek angin kan rilru a kan hriatthiam hunah hmangaihna duhawm tak hi chawrchhuah tir thin a ni a. Chumi avang chuan he khawvel ah hian mi chihrang hrang kan lo awm phah a, kan khawvel in a tha lam zawng leh a chhe zawngin hma kan sawn char char ni. Nausen lo piang chuan hmangaihtu a neih loh chuan a thi mai thin. Khawvela misual ber pawh hian hmangaihtu a neih vang chauha sual thei ani tih hi hre mawlh teh se. Hmangaihtu neilo a inhria chuan a hre thelh duaih a ni. Nu leh pa hmangaihna a dawng lo anih pawhin khawi lai emaw a hmelhriat leh hmelhriat lemloh te hmangaihna a dawn vang chauha puitling thei a ni. HMANGAIHNA hi a lo va hlu tehlul em!!!!!

Kei pawh ka nu leh pa te hmangaihna azarah ka lo seilian ve zel a. Mihring ka ni a, ka famkim tawk bik lo. Chuvang chuan hmelma lian tak mai ka nei ta tlat mai. Hun reilo te hnu ah phei chuan he ka hmelma hi ka hnehloh em avangin a bawih ah ka tang a ni titih der mai a. Theihtawp in tal chhuah ka tum thin a, ka thei mai bik lo. Ka bei rei tial tial a, ka theilo tial tial thung. A chhan chu ka hriat miahloh in ka lo hmangaih reng tawh zawk vang ani.

Ka hmangaih tih ka inhriatchhuah meuh chuan a zun ah ka lo uai nghet hle tawh a. Tunhma ka nun dan tam tak te ka thlak a lo ngai ta bawk a. A duh dan dan in min herkual a, min sawisa kual ta thin a. A thu chu ka awih em em ringawt tawh mai. A zun a uai chu na tak ani. Amaherawhchu hetiang taka a zun a ka uai avang hian mak ve deuh mai chu vawi khat mah HMELTHA ka ti ngai lo. Heti chung hian ka duh em em a, ka ngai ngawih ngawih a, a tello chuan nikhat pawh rei ka ti thin. A zei em em chu a ni phawt mai.....

Hun a lo kal zel a, ka hmangaih a, ka thlakhleh a, a tello a ka awm theihloh tak chinah phei chuan ka taksa hriselna thleng in a lo tuar ta a. Amaherawhchu ka hmangaih em avang chuan ka mawhchhiat phal lova, amah avanga chutianga awm ani tih ka hre phal ngai lo. A tan chuan ka inpumpek a, kan in hmuh theihna tur anih phawt chuan engmah tih hreh ka nei ngai lo.

Ka hmangaih hmu tur chuan ruahsur hnuaiah zan khaw tairek ah pawh ka chhuak peih a. Ka damloh pawhin amah ka ngaih em avangin mi tirh tur remchang ka zawng a, amah hmuh dan tur ringawt ka buaipui thin a. Ka hriselna bakah ka sum leh pai thlengin min eihek mahse pawi tihna ka nei lova. Amah ka hmuh theihna anih phawt chuan sum sen ka hreh ngai lo.

Ka hmangaih chu chance ka neih tawh phawt chuan ka fawp ngei ngei thin a. Vawi khat mai duhtawk loin ka fawp nawn sek thin. Ka fawh avang chuan nuam ka ti a, ka taksa mamawh zawng zawng min pe in ka rilru a tinuam sawng sawng hian ka hre thin a ni.

Pathian thu chuan,"I hmelma te chu hmangaih rawh," min ti a. Chuvang chuan he ka hmelma lian ber, min tiche tu hi ka hmangaih a, ka fawp thin ani. Chu ka hmelma, ka hmangaih, ka fawh thin chu eng dang nilovin MEIZIAL hi a ni e.

Website ka siam ve a

Thupui ah website kan ti ve tawp mai a, ka phuah fuh nge fuhlo pawh ka hre lemlo.
Computer hi hun engemaw chen chu software leh hardware ka zir ve e ka tia. Ka tuina zawng a ni bawk a nuam ka ti in ka zir chin chu ka thiam ve khawp mai. Amaherawhchu kan zir laia ka thiam viau pawh kha ka practise zui loh avangin tunah phei chuan ka theihnghilh nual tawh nghe nghe.
Computer ka zir lai khan web desining lam kha kan zir ve a. Zir tur list ah khan website siamna language hrang hrang zir tur kha kan duh kan thlang a. Khang hunlai khan ka la hre tlem bawk nen, html leh php kha ka thlang a. Javascript tih vel kha a tangkaina leh a hmanna tur lam reng reng ka lo hre hlawm lova. Tun hnu ah hian ka in chhir thin.
 
Kum 2011-a Mizo Hlakungpui Mual Silver Jubilee lawm anih dawn avangin Hlakungpui Silver Jubilee Committee pui chuan sub-comt. peng hrang hrang a din a. Information & Publicity ah min rawn ti tel ve a. Kan hna hmasa atan website siam an dah a. Tichuan kan buaipui chho ta a, kei leh ka thianpa Tluanga bak chuan website siamdan tur kha hria kan awm si lo a. Tluanga chuan Joomla hmanga siam a rawt a. Tichuan kan han buaipui chho a, mahse ka thianpa hian hmun dangah zirna lam vangin min awmbo san ta si a. Tichuan keimah chauh in ka buaipui ta a. A page awmdan phung tur kan ruahman chhin ang khan Joomla hmang a kan siam theihloh avang leh website kha peih fel vat kan duh avangin Microsoft Publisher hmangin ka siam ta a. Tichuan ka upload ve ta rawih a. Mahse browser thenkhat ah a lan theihloh avangin a hran a siam leh ka duh ta a. Tichuan html code hmang chuan a hranpa in ka siam leh ta a, a code zawng zawng type chhuah nen chuan hautak rem rem tak ani. Tichuan tuna www.hlakungpui.com hi html code zawng zawng nena ziak a ka siam ve liau liau a ni ta a. Zawi zawi a tih changtlun kan tum kha kan hotu lam atangin password min pek duh loh avangin a tir a ka siam ang ang khan a la awm ta ani.

Tihchangtlun nan php hmangin ka siam leh ta a, mahse kan hotu lam in an upload thiam ta tlat lo maia, password min hrilh duh bawk si lo a. Tichuan remchang ah hmangin ka programme ziah sa tlema ti danglam in website hran ka siam ta a. www.samtea.in chu ka buaipui chho leh ta a, tunah hian ka peihfel tawh a. Ka enkawl chho mek bawk ani.

Website siam hi a hautak angreng khawp mai a. Sum leh pai bakah tha leh ngaihtuahna tam tak sen a ngai a. A hahthlak vei angreng khawp mai. Ka sawi leh duh mai mai chu mizo te hian mi thil siam sa kan hmang nasa lutuk hi a thalo ka tia. Website ah ngat phei chuan thiam tak tak a ka ngaih te pawhin mahni a programme ziah tum aiin a awmsa eg.wordpress te kan hmang thin a. A that viau rual in mahni ngei ina kan siam theih chuan hei tluka hlu hi a awm in ka hrelo.

Hnathawh hi hriselna a ni

Hriselna lam kawng ah hian mithiam leh mi inzirsang chu ka ni hauh lo, ka hriat a tlem hle bawk. Amaherawhchu HNA THAWH HI HRISELNA ANI tih erawh hi chu keimah ngei in ka lo tawhhriat ve tawh avangin ka sawi ve thei.

Ka pa hian a hming a sawrkar hna a thawh ve avang hian Pathian zar ah ka pa hlawh ring hian hna thawh ngailo in kan awm ve thei viau a. Hna thawk ngailo nafam chu kan ei a lo tha ve bawk nen, kan tituai a nalh in kan sa pawh a mum kal reng mai thin. Mahse hetianga kan awm awl viau lai hian tlang hrileng leh natna eng eng emaw kan vei hma em em thin ani. Tin, ka nu hi hrisello ve tak mai a ni bawk a, kum tin hian vawi 4/5 chu check up ziah a ngai thin.
 
Tum khat chu lehkha kan zir tawhlo bawk nen, lo kan nei ve a. Hei hi ka hriat phak chin atanga tun thlenga lo kan neih hmasak ber leh hnuhnun ber a ni rih a. Hemi kum hian kan lo a har em em maia, buh leh thlai an tha duh em em a, hnim pawh an tha duh a. Kan lo chu kan thlo hneh manglo a ni ber mai. Ni tin hian hlawhfa mi 20 vel bawr kan chhawr chung pawhin kan thlo hneh meuhlo a ni. 

Hetiang anih avang hian hna kan thawk rim in kan thawk nasa em em mai a. A hah pawh kan hah reng a. Mahse mak angreng tak chu hemi kum hian tlang hrileng eng ilo fahran pawh kan nei miahlo mai a. Tin, ka nu pawh hemi kum hi chuan Doctor panpui ngai in a awmlo hrim hrim mai ani.

Kan hnathawh dan chhut chuan nileng in ni sensa hnuaiah hna kan thawk a. Sunday bak hi kan chawl lo a ni ber mai. Kan lo hi tlem a a phai deuh avangin a lum em em mai bawk a. Tin, fur laiin ruah a sur pawhin a theih chin chin chu tlan lovin kan do thin a. Kum dang ang chu nise khawsik in kan let reng tawh ngei ang.

Heta tanga ka chhut hian kan hrisel chhan kha hna kan thawh vang ani ka ti lo thei lo ani. Kan hnathawh vanga kan hrisel chhan ni a ka hriat te hetiang hian point hrang hrang ah in sawi dawn teh ang:-

1. Exercise kan la nasa: Mithiam te chuan exercise lak hi hriselna atan a tha an tia. Hna kan thawh hian kan rilru mai bakah kan taksa hi exercise tha tak a lo ni reng mai. Ni danga ke a thui kal ngailo kha nitin mel 2 aia hla a kan kal ziah kha exercise tha tak mai a lo ni a. Kan hrisel phah niin ka hria.

2. Kan thlan a tla: Thlan tlak hi a pawimawh hle in ka hria. Kan hnathawh vanga kan thlan tla ah khan kan thau chhia leh natna hrik eng eng emaw a lo chhuak a. Taksa in a mamawh lemlo ho kha a paihchhuak thin a. Hei vang hian kan hrisel ani.

3. Kan fai: Fai hi hriselna ani an tih fo hi a dik hle in ka hria. Hna kan thawk bawrh bawrh a. Thlan a lo tla a, kan haw chuan inbualfai ngei ngei kan lo ngai a. Taksa sil them thum pawh tuilum sa ver vawr a kan han inbual chuan a reh ve thei nia. Ni tin inbual mah ila thlan a tlak loh chuan kan hrisel phah ve tho anga, mahse thlan tla nen chuan a danglam deuh ngei ang.

4. Eitur thianghlim: Kan lo ah chuan thlai leh thei ei tur eng eng emaw kan thar ve a. Heng te hi a thar tha apiang kan ei thin a. Entirnan maian pawh a thar hmasa leh thianghlim apiang kan ei ta a, vawikhat kan ei bak chu a thar a awm zel avangin paih a ni mai a. A hrisel niin ka hria.

5. Kan rilru a hlim: Hrisel tur chuan rilru hlim hi a pawimawh ber in ka hria. Kan lo ah chuan thlai leh buh a lo nung chhova. Rilru a ti hlim em em maia. Tlema a lo that deuh phei chuan kan hlim em em thin a. Nileng in hna thawk in hah em em in tlai ah haw mah ila. A tuk khua a lo var meuh chuan kan lova thlai te hmuh chakin phur takin hna thawk turin kan liam leh mai thin. Hetia rilru hlim tak a kan awm theih avang hian kan hrisel niin ka hre bawk.

Heng bak pawh hi sawi tur tam tak a awm thei ang. Mahse heng ho ah hian duhtawk phawt mai ang. Hnathawh hi hriselna a lo ni a, hah lutuk leh taksa in a tawrh phah hial khawpa thawh rim erawh a tha hauh lovang. Kan taksa zawh tawk in hna thawk ila. Tunlai ah thangthar lehkha thiam hna hmulo tam tak awm te, ka thalai pui mithiam tak tak te leh lehkha zir sang tak tak, sawrkar a hna hmu lemlo te hian kuthnathawh hi uar ila. Pawl 3 pawh passed lo in hlo thlo a fanau a enkawl seilen theih chuan, anni aia fing zawk B.A. leh M.A rual te chuan engah nge kan enkawl theih loh bik ang? An ni aiin hnathawh dan tur leh thlai enkawl dan tur pawh kan duh chuan kan hre thei fe awm si a. Hawh u, kan hrisel nan Hnathawh i uar ang u khai.

Computer ka zir a

Kum 10 dawn lai a lo ni ta reng mai, computer kha ka hre ve a. Ka zir ve a, ka tui na zawng a lo ni bawk a ka zir chhun chu ka thiam ve khawp mai.

Software lam ka zir hnu ah Hardware lamah ka kai leh a. Mahni tuina zawng tak mai zir chuan rilru ka pe bawk a, ka thiamthei angreng khawp mai.
Software hi A+ ah ka passed nghe nghe a. Hardware ah hi chuan A ah ka passed thung. Khang hunlai khan computer hmanga thil tih theih kan hriat ho kha chu ka thiam vek tawh ah ka lo ngai a, mahse 'A THEN PAWH KAN HRELO' tih ang deuh khan computer ka lo hmelhriat ve dawn tan lek chauh a lo ni si a. Tun hnu ah hna thawh nana ka hman tak tak hnu hian ka lo thiam tlem zia ka hrechiang telh telh thin.

Keima tawnhriat ve atang chuan computer zir dawn hian mithiam te rawn hmasak thin a fuh. Computer kher lo ah pawh kan zir duh line a lo zir tawh te leh thil lo hre tawh te zawh fiah hmasak hi a fin thlak.

Kei pawh kha computer ka zir khan thu chhut nan a hman theih tih chauh hria in ka zir a, mahse thlalak chei te, programming te kan han zir chho ta a. Website designed te kan zir a, khang hunlai khan html bak kha hre heklo i, php kha ka ti tel hram a. Javascript te kha a tangkaina ka lo hre miahlo a, ka ti tel talo. Tun hnu ah hian a hre zawk leh thiam zawk te zawt hmasa lova ka zir duh ka lo thlang kha ka inchhir thin.

Ka inchhir leh na pakhat chu ka thil zir te practise zui lova ka awm kha. Games khelh te kha ka lo uar zawk a. Tunah chuan ka thil zir tam zawk kha lehkhabu en leh loh phei chuan ka ti thiam ta der hlawm lo mai. A pawi khawp mai, hun, tha leh sum tam tak senga ka zir kha ka theinghilh leh ta vel mai mai chu ania. Keimah ang hi engzat tak awm ve ang maw?

Phuba ka la a (Part II)

Nurse rawn duty chu a thinchhe thin khawp mai a, min rawn vin hlawk hlawk thin a. Duh tawk mai a a rawn an hlawk hlawk tawh hi chuan kan ngawi thap zel a. Ka rilru in,"Damlo te hmel hlim tak leh duat taka enkawl tura ka beisei lai chea hetiang a in awm vei chu...hh. I la hre khawp ang," ka ti a.

Kan room piah ah chuan ka leng fo thin a. Hrehawm an tih zia leh Doctor in kan ve se an duh thu an lo sawi nasa ber thin a. Kei lah chu ka thawven lai a ni bawk a, dawt tlem phuah belh in ka va hnem thin a, an harsatna te pawh sutkian pui ka intiam vel a, politician ho iang in. Mi an han ring ve mai mai khawp a, an thla a muan phah in an rilru leh taksa na te pawh an dam phah ve sawng sawng thin ani. Kei lah chuan engmah ka tihsak theihloh zia chu ka hrechiang em em si a. Amaherawhchu rilru hlim phah nan leh thlamuan phah nana an lo hmang a, an rilru leh taksa na te pawh a lo chhawk phah ve avang chuan THA VE THO ALAWM ka ti ta mai mai a.

Ruala chuan Nurse rawn duty thin chu a lo star em em mai a. A rawn kal apiang hian a lo chhaih vel thin a. Nurse lah chuan a lo vin leh tuarh tuarh thin a. Tin, a bialpa Health Worker chuan a rawn veng tlat thin a. He nurse te hi a thinchhe deuh tih mai loh chu a hmel a tha reuh phian mai a. Tlangval tam tak tan chuan lo star ve mai pawh thil awm tak a ni.
Zan ah hian Dar 10 ah damdawi ei a hun thin avangin an rawn kal ziah thin a. An rawn in kuah thla a, nuam an ti thei hle thin. Keini awmna hi Damdawiin ward dang te nen a inzawm lova, a thlang lamah fal deuh takin a awm a. A inkar ah di hmun zau ve deuh tak kaltlang a ngai a, hmeichhe tan chuan mahni chauha kal chu a har ve bawk ang. Mipa tan pawh tih ve ngial tham chu a ni hrim hrim.

Zan tin hian damdawi min pe a an rawn kal hma chu kan lo meng thin a, min rawn pek zawh a an chhoh veleh kan mu mai thin. Zankhat chu kan chau deuh bawk nen an rawn kal hun nghak lovin zan dar 9 velah kan lo muhil vek a. Ruala chuan buai ve reng reng rawhse tiin kawngka a lo kalh pek a. 

Tichuan, zan dar 10 vela an rawn kal chu kawngka kalh khum an nih avang chuan an rawn lut thei ta lova. Kawngka chu an rawi sawi dawt dawt mai a. Ka harh hmasa ber a, ka va hawn ta a. An lo luh rual chuan min rawn an khum nghal bawrh bawrh a."Engah nge kawngka i kalh a? Damdawiin kawngka an kalh ngai hleinem" thinrim tak in min tih khum a. Min an khum dan zawng zawng phei chu sawi chi a ni lemlo. Engmah sawilo in ka ngawi reng a. Ka thin erawh chu a rim ru hle thung a.

Ka nau Drip khai tur chu a han buaipui a. A tih zawh chuan ward piah ah chuan a va kal leh a. Chutih lai chuan ka nau chuan a ban a na a tih thu a rawn sawi a. Drip khai hian a na ve tur reng ah ka ngaih avangin ka ngaihsak duh lem lova. "Tuar mai mai rawh" ka ti ringawt a. Mahse a ban ah bawk a awm thu a rawn sawi tak ah chuan ka va en ta a. A ban ah chuan hriau bul lawkah a lo bawk luau mai a. Rang takin drip chu ka ti tawp a. Nurse chu ka va ko ta a/"Ka nau hian drip khai hi na a ti tlat, min rawn en sak teh," ka va ti a. Nurse chuan,"In zuau lutuk, drip khai te chuan a na ve bawk ang chu," a lo ti vin hlur a. "A ban ah hian a bawk a," kan tih tak ah chuan hmanhmawh takin a rawn phei nghal a. A khur deuh ni hian ka hria a. Hriau chu a phawi nghal a. Hetia a buaipui lai hian Duty room atangin a bialpa chu an rawn phone a, hmanhmawh taka an mamawh avangin rang taka chho turin an rawn ti a. A bialpa chuan a chhoh san ta a.

Ka nau drip khai tur chu a buaipui lai chuan,"Engemaw tia a awm chuan min rawn ko zel mai dawn nia," tiin tha takin a sawi ta a. Ka thinrim ve tawh deuh bawk nen,"Koh ngailo tur khan tha takin ti rawh. Kan awmna a fal si, phone leh in biakpawhna tur engmah a awm bawk si lo. Damlo te hi buai palh ta se kan in koh chhung in an chhe vek hman dawn asin. Doctor in thla khat chuang min tlawh tawh lo a, lo sawi rawh, naktuk a an rawn kal lo anih chuan an hna pawhin a tuar tawh ang," ka tih khum ta sak sak a."Ka lo sawi dawn nia," a ti ta a.

Tichuan room lehlama damlo te chu a va buaipui leh a, hetih chhung hian zan dar 11 a lo ri der tawh a. Damlo a buaipui zawh chuan a chhoh leh a ngai tawh si a, mahni chauha chhoh chu a hreh khawp mai a. Tichuan min ngam tlak ta deuh ber a ni ang chu, chhoh pui turin min sawm ta a. Kei lah chuan awlsam takin ka lo aw mai a, ka rilru ah phuba lak duhna a awm bawk nen. Tichuan kan chho dun ta a. A thim bawk si nen a hlau deuh a. Inthlahrung lo deuh chuan kan kuah vel a, a lo haw lemlo a. Tichuan kan awmna ward leh damdawiin inkar lai ta, lehlam lehlam atanga thawm hriat phak loh leh hmuh phak loh lai ah chuan Phuba ka la ta siah siah mai anih chu. Ka phuba lak dan hi chu ngaihtuah zui atan dah ang.....

Phuba ka la a (Part I)

Tum khat chu ka nau hi kawthalo in a damlo chiam mai a. Zankhua in luak nen a bei a. A tuk ah damdawi kan kai pui a, an lo admit ta a. Tichuan damdawiin ah chuan kan awm chu a ni zui nghal mai a.

School kal lai kan nih avangin ka awmpui ve hman meuh lova, ka nu hian a awmpui thin a. Zan lamah te an tlan deuh zak zak avang chuan ka nu chu a mu mumal lo bawk nen, a chau ve ta deuh a, tichuan damdawiin kan awm atanga zan thum na atang chuan ka riah pui ve ta a. Ka nau pawh chuan ziaawm lam a pan a, zan lamah pawh kan mu thei ta viau mai a.

Kan awmna piah ah chuan Cancer leh HIV tih vel enkawlna hmun a awm a. Damlo pawh an awm ve nual a, keini ISO nen chuan pawimawh hle tura ka lo in ruat lai chuan ka va leng phei a. Thla khat lai lo awm tawh te chuan Doctor in vawi khat mah a la tlawh loh thu min lo hrilh a. Mak ka ti angreng khawp mai.

Kan awmna ward ah chuan Malaria vei damlo chau ve tak mai hi a awm a. Thian dun pahnih hian an awmpui a. Pakhat zawk chu kan naupan laia kan kawm thin Ruala(Rualcheua) a lo ni reng mai a. Anni thian dun chuan damlo chau tak awmpui e ti lo chuan an thawveng khawp mai a. An damlo awmpui lam reng reng chu an ngaihsak lo thin mai a. Walkman hi an keng a, an ngaithla thin a. Earphone a an ngaihthlak avang leh an tih rin theih thin em avang chuan tawng an hre tha thei lova. An damlo awmpui pa chau tak lah in a ko ring tha thei silo. A koh an hriat chhun ah lah chuan an walkman ngaihthlak avang chuan room zawng zawng ah a ri a khat vek turah an ngai nge ni, ring deuh deuh hian an rawn chhang thin a. An nuihzat thlak in kan hlim phian thin. An damlo awmpui tan chuan a mangan thlak thin khawp a, a damdawi ei tur te ka va pek sak thin.

Kan ward leh kan piah chiah ward ah chuan zan lamah hian Nurse leh a bialpa, health worker hi an rawn duty thin a. Damdawi ei hunah an rawn chhuk a, an rawn in kuah thla nasa thin khawp mai. Nurse chu a hmeltha reuh phian mai a. Ruala chuan a lo star deuh a, a lo be tha thei hle thin a ni awm a. Vawikhat chu chutiang boruak hre lo chuan ka nu in,"Rualcheu," tiin a lo ko hlauh mai a. Thil engkim a bum vek a ti hial mai. Ruala ti a koh kha a lo duh a lo ni a.

(A sei lutuk loh nan rek bung phawt mai ang. Post sei deuh hi mobile atanga entu te tan chhiar a hahthlak thin a. Part II ah kan chhunzawm leh ang.)

Chawhpawlh

MHIP CALENDAR IN MIN TI BUAI
Hman zan kan committee chu MHIP Calendar 2011 in min ti buai. Programme pawimawh tak mai hman tur kan nei a, kan hman hun tur kan han rel tur kha JULY thla a a ni an dah dikloh vangin kan buai chiam mai, a diklo kan ruat hman tep. Tun hnu ah chuan fimkhur tawh rawh se.

I TI DUH E A
Hmanni kan nu te sikul kal chu ka thianpa nupui nen an lo in hmu a. Ka thianpa hi June thla khan Facebook account ka siam sak a, a hrat ve hle a ni awm e. An nu chuan kan nu bulah,"Tunlai chu Facebook a ti reng mai, ka ning lutuk," a lo ti a ni awm e. Kan nu chuan,"Mai mai a, keini kan inneih hma atangin Misual.com an lo ti tawh ania. Engmah kan sawi ngai hleinem," a lo ti ve khauh mai. Misual leh FB lama ka regu viau hi kan nu hian a ning ve tho na in min hrethiam khawp mai. Khawi emaw lai a va lenchhuah ai chuan FB leh misual a ka luh tam hian in lamah ka awm tam zawk a, nuam a lo ti zawk daih.

 
DAH DAI PHAWT TA CHE...
Tum khat chu ka patea te inah Coca Cola kan in dawn a. Ka patea fapa naupang ber chuan a chhin a hawng a. A rawn so ta bawrh bawrh kha ka patea chuan lo hrethiam hek lo le. A fapa hnenah chuan,"Dah dai phawt ta che," a lo ti vin tuarh mai. Inchhung a awm ho zawng zawng kan nui vek. Nangni pawhin in hawn hma in lo dah dai hmasa zel tawh rawh u.

ZAHZEL HO
Tumkhat chu kan thianho in zu kan thlawr dawn a. Zan ah kan inah kan riak khawm a. Zing Dar 2 velah zu thlawr tur chuan ramhnuai lam kan pan a. Kal kalkawng ah chuan High School a kan Headmaster te in a awm a. Kan kal thla an tual kan thlen chuan a zan zung tur a lo chhuak hlauh mai a. Kan thian pakhat chuan zahzel ah a bel mawng pawp ken mawng chu a beng a,"Ka thlarau tho la hlim takin" tih hla kha a rawn sa a. Kan zawmthla thap thap. Mahse min hmutu tan kha chuan kan tih tur kha hai rual loha chiang ani.

Ka thi der

Kan naupan lai a Krismas kan nghahhleh thin zia kha aw... Nuam hi kan ti thei thin khawp in ka hria. A chhan chu thawmhnaw thar kan nei a, exam kan zo tawh bawk a kan pharvar thei tawh a, zan ah tv kan bihthla man tawh a, kan in bihruksiak hman tawh a, ruai theh a awm dawn vang a ni.

Krismas ruai theh hi nuam kan ti thei khawp a. Ruai thehna tur changel hnah lak hi naupang ho kutah a awm thin a. Laltha-a pa(MST) driver in kan khua ah mas a rawn hman chuan kan lawm thei hle a. A chhan chu MST hi let tawh lo in a cham pui thin a, chu chuan hnah kan la thin. Motor te chu sawi loh, Ngunduha bawngtawlailir pawh chuan ve chak a um luih luih thin kha kan nia. Pu Thiangbala te ho in Jeep tawng deuh an nei a, tlan chhuah dawn apianga running ngai, anih loh pawhin herhnun ngai. Herhnun ngai kha chu a la tha viau ah kan ngai a, running ngai chin kha chu a tawng ve viau ah kan ngai. Thui tak tak kan nam lirh sak a, a nun theih lawk loh phei chuan thlan tla phung in kan nawr kual thin. Hetiang anih avang hian MST, running ngailo leh a seat pawh dup tak maia ruai theh na tur hnah han lak vel kha nuam kan ti a. Veng dang lakah pawh kan inchhuang hle thin. Ani hi a awm loh chuan tawlailir ke 4 nei, a bracket vel kan siam thlap, TAWLAILIR PUI kan tih chuan hnah kan la thin.

Tum khat chu heng tawlailir pui hian hnah kan la a. A brake awm hauhlo khan kan keng ve tawp mai a. Tichuan tawlailir a changel hnah khat tlata kan dah hnu chuan kan chuang dawn ta hlawm a. Mahse hnah kha rah chhiat kan hlauh avangin a chung a chuan an phal ta lova. A bracket ah chuan kan chuang a, kan in dawm far hlawm mai a.

An tlan ta ale.... A brake awmlo tih takah a chak thla ta khawp mai a. Ka hlau khawp mai a. Ti ding turin ka au tuar tuar a, mahse a brake awmloh thu in min chhang ta si. Chutah kawng kawi ah an kual pawp mai a, ka lo in chelh hneh tawk lo bawk nen, kawngpui la metalled loh ah chuan ka tla khu chum chum mai a. Ka lum tawp tawp bawk a. A na hi kan ti mai mai khawp a. Ka kekawr khup leh ka kawrban tlawn kiu vel chu a pawp hlawk bawk a. Tichuan, ka thiante chuan thlang deuh lawk ah chuan kawngchhak lam kopang an su a. An ding ve ta a.

Hmanhmawh tawk in an rawn tlan chho hlawk hlawk hlawm a, ka thin a rim deuh bawk nen, ka lo thi der ta a. An rawn mangang khawp mai a. Thenkhat an lo tap, thenkhat in ka mar an zawng vel, thenkhat in thiante an lo mawhpuh bawk, an buai ta luih luih mai a. Ka nuih a za ru angreng khawp a, ka nui chhuak lek lek ani. Nakinah chuan kan thian pakhat chuan Damdawiin lama min kalpui vat a rawt a. Tichuan tawlailir thleng chuan min zawn tla ta a.

Chutia min han zawn tak ah chuan ka nuih a za ta tlat mai a. Tawlailir chunga min mut rual chuan ka nui chhuak ta a. Ka thi der tih an hriat chuan min ngei hlawm lutuk chuan min chum pawp pawp hlawm mai a. Kan hlim phian.....

Tunhma chuan hnah ah hian Mas ruai kan kil ho thin a. Naupang hnah la hlui tur kha a special in min siamsak thin a, a tui deuh hlek kan ei thin. Tunah chuan thleng vek an hmang ta, tunlai naupang te chuan hnah lak awmzia leh lo hlimawm thin zia kha an hre ve ta lo....

Zawlnei in min tawngtai

Ka naupan lai hian tum khat chu ka damlo chiam mai a. Sentut ni chiah si lo hian ka taksa chu a sen chhuak vek a. Doctor ten vawi 24 jection a ngai an tih avangin ka mawngtam tetakte ah chuan min jection tan ta a. Naupang chumchiap tih tak ah chutia ni tin maia min han jection tak ah chuan ka mawngtam an jection na lam ke chu a lo na tan ta a, ka kal thei ta hauh lo mai a. Tichuan pawn lamah pawng lengchhuak theilo chuan ka thu ta chawrh chawrh mai a.
Chutia a na ka tih tak avang chuan min jection na chu ka mawngtam lehlam ah an sawn ta a. Chu pawh chu a na leh ta hle mai a. Tichuan thut pawh thu theilo chuan ka mu ta chawrh chawrh mai a. Ka la naupang bawk a, hrehawm ka ti ngei mai.Ka nu hian tuilum chi al hian min deh sak thin a, a nuam ve sawng sawng thei nia. Ka la hre reng zel.

Tichuan le, jection chu a zo ta a. Mahse that lam ka pan thei chuang hauh lo mai a. Ka thalo telh telh zawk amaw tih tur in ka awm a. Ka pa mangang chuan min paw ta nawlh a. Zawlsei khua, khaw thenawm lawk ah chuan zawlnei(?) Pu Pakama a awm a. Chumi chu min pan pui ta nal nal a. Zawlsei leh Khawbung inkar kawng hi Km 1 vel bawr lek ania. Ke pawhin rei kal a ni lem lo.Zawlsei kan zu thlen chuan zawlnei pa chu a lo tawngtai mek a, damlo amah lo pan tu an lo awm nual bawk a. Kan kal tih pawh hre miahlo chuan room atang chuan a tawngtai zawh ah chuan,"Khawbung pa kha lo kal teh se," a rawn ti a. Ka pa chu a va kal a. Pu Pakama chuan,"Nizan ah Lalpan in rawn kal tur thu hi min hrilh lawk a. I fapa damdawi tur chu Lakhuihthei a ni e," a ti a. Lakhuihthei van lai tak a lo ni si a. Pu Hrinzama chuan tetakte, a tang rah a lo nei hlauh mai a. Pu Pakama chuan Lakhuihthei hmin hrim hrim chu tetakte pawh nise a pawilo a a sawi avangin kan la ta a.

Khawbung lamah kan haw chho leh ta vang vang a. Kan thlen chuan ka nu in Lakhuihthei chu a siam nghal a. Ka ei ta a. Ka ei zawh hnu deuh lawk chuan ka thak chu a lo ziaawm chho tan ta mai a. Ni hnih hnu velah chuan ka dam chiang ta var mai a. Mahse ka mawng vel chu min jection na avang chuan a la na reng tho a. Hei vang hian kar khat lai chu ka la sil tho.

Tun thleng hian Lakhuihthei hi damdawi ah ka la hmang a. Ka damloh apiang hian lakhuihthei kan zawng a. Ka ei hnu ah ka dam ve leh mai zel. Mak ve tak chu a ni.

A tir in thu a awm

Ka Nu in sual in min pai thei lawk lo
Pathian thu hriltu ho tawngka "Ka nun sual in mi pai a," tih ang deuh khan ka nun sual in min pai thei lawk lova. Ka nu leh pa te hian fa an nei thei lawk lova. Kum 10 teh meuh fa neilo a an awm hnu ah a kum 11 na ah kei ve te hi Champhai Damdawiin ah ka lo piang ve hlawl mai. Rei tak fa neithei lo, fa awt em em a awm hnu a piang ka nih avangin min duat khawp mai.

Engtin nge ka lo pian tak
Ka pa hian High School ah zirtirtu hna a thawk ve a. Tichuan khawi khawi emaw a a thawh kual hnu ah Khawbung High School ah a thawk leh ta a. Hetah hian a pension thleng in a thawk ta a ni.

Khawbung a a thawh lai hian Khuangthing lam putar mihlim hi Congress tan campaing in Khawbung ah a lo kal a. Ka nu leh pa te nen la inhre miahlo kha kan inah a lo lut hlawl mai a. "Tu te nge in nih ka hre lemlo, mahse ka kalpel thei thlawt lo che u. Tawngtai a ngai tlat mai, enge in mamawh phei chu ka hre lem lova," tiin ka nu leh pa khawhar tak te bulah chuan a sawi a.Tichuan an in kawm chho zel a, fa nei theilo a rei tak an awm thu te chu an sawi chho ta zel a. Tichuan Khuangthing putar chu fa dil chuan a tawngtai ta a.
 
Chumi hnu chuan chanchin engmah an in hre zui ta lo va. Nikhat chu putar chu a lo kal leh nawlh mai a. Ka nu chuan chutih lai chuan a rai tih a la hre hauh lo. Putar chuan,"Naute a lang tlat. A hming ah Samuela a ni e," a ti a. Ka nu leh pa chu an lawm viau na in an ring ngam chiahlo a. Mahse a thi a lo hul takah chuan nau a pai ngei tih chu a chiang ta a. Ka nute i te ho chuan,"Hmeichhia anih leh Samueli kan ti mai ang chu," an ti fiamthu thin.

Tichuan nau neih a lo hun dawn chuan Champhai lamah nau nei tur chuan an kal ta a. Tichuan, January ni 19, 1985 zing lamah he khawvel a ka zinkawng zawh tan turin ka lo piang ve ta. Mipa ka lo ni kher bawk nen, ka pa lawm lutuk chuan a bul vela awm ho zawng zawng thingpui a khilai ta hlawm anih chu.

Ka hming phuah dan:
Ka han piang chhuak ta chu rei tak fa neilo a awm tih takah an lawmpui hlawm hle a. Ka hming phuah mawlh mai chu an in chuh nasa a. Champhai lamin Lalmalsawma tiin an phuah a, Khawbung lamah Lalnuntluanga tiin an lo phuah ve bawk a. Tichuan ka hming chu Khuangthing, Champhai leh Khawbung phuah la khawm in Samuel Malsawmtluanga an ti ta ani.

Ka ti tak tak tawh

Hun engemaw chen kalta atang khan Mizo Hlakungpui Mual website kan buaipui ve a. Tun hma in website leh blog te hi ka tlawh nasa in ka en ve nasa thin hle a. Mahse mahni a han siam ve mai nachang ka lohrelo pek a.

Hlakungpui website kan han siam zo va, rilru ah website ringawt a la lian a. Mahse website a ziah vek chi loh te a awm tak avangin Blog lam ka buaipui chho ve ta a. Ka blog hmasa ber chu www.samtea.wordpress.com hi a ni.

Tichuan ka han ti chho ve mawp mawp a. Mahse ka duh aiin ka tih pawlh hnem ta a. Tichuan, mahni duh anga designed a upload ve theihna tur lam ka zawng ta a. Xtreemhost lamah ka duh ang ka hmu ta hlauh a. Tichuan ka siam chho ve leh ta a. Mahse domain panngai nilo nafam chu duhthu sam lohna a nei leh ta zel a. Ka duh tha in ka duh tui telh telh bawk si a. Domain pangai ka lei ta rawih a. Ka tihsual a lei ah pahnih ngawt mai ka lei lehnghal a.

Tichuan, website pangai tak chu ka enkawl chho ve ta a. Mahse ka website a ka thun tel rem lemlo tam tak a la awm avangin ka website chu a nih na tur taka hman a a dang chu blog pahnih siam a tah chuan khung len vek ka rilruk ta a. Tichuan he blog hi ka lo siam ta a. Tun ami hi chu ka ti tak tak tawh dawn a. Ka website enkawl pahin heng blog pahnih te hi enkawl chhoh pah zel ka tum a ni.

A tawp ber ah chuan he ka blog min lo tlawh sak tu zawng zawng te chungah thinlung takin lawmthu ka sawi mawlh mawlh e.

Online

Site Statistics

Follow by Email

Contact Form

Name

Email *

Message *