(Hei hi misual.com a ka post tawh ania, helam ah hian kan dah ve leh mai mai ange.)
Tun tum chu Mizo Idioms & Phrases(Tawng upa) hi i zir ho teh ang u. Hetiang lam post hi ka hmu khat riau mai a. A thiamlo ber hian kan post ve ange.
Chhun leh zan hun then hrang hrangte hi a hmasa ber atan zirho phawt ila, post dangah a dang chu kan chhunzawm leh dawn nia.
Ka hriat hi a dik ber e ka tihna pawh ani lem lova, unau thawnthu sawi pawh a dang e an tih thin kha, Kan hriat dan a lo inang lo deuh anih pawhin comment lamah kan sawi ho dawn nia.
1. Khawfing chah: Khawvar hma lawk hian rei vaklo thim zual bik hun a awm a. Hemi a pelh veleh hian khua in ên lam a pan tial tial thin a, chumi lo ên tan hun chu Khawfing chah ani.
2. Thingchang var: Khawfing chah hma lawk hiankhua a lo êng lawk hlek thin a, chumi hun lai chu ani.
3. Varţian: Khawvar tantirh hunlai hi Vartian ani.
4. Leilung lan: Khawvar hnu ah, thil a hmuh chian tan theih hunlai hi ani.
5. Khuantevik: Zing ar khuan hun, khawvar ar khuan hun.
6. Kawl en: Khawvar tan tirh, kawl bul lo en hun lai.
7. Ni tlang san: Ni a chhuah san tawh hnu, Dar 7/8 vel bawr ani ang chu.
8. Nau riltam/Feh reh/Thingphur haw hun: Heng te hi chawfak hun hma, tukthuan ei kham leh chawfak inkar hun lai ani. Dar 10/11 bawr vel ani ang.
9. Chawfak hun : Chhun chaw ei hun lai hi. Dar 12 vel ani mai ang chu.
10. Chawhnu thlang her: Chawhnu thlang her ah hi chuan chawhnu lam, ni in vanlaizawl a pelh tawh hun ani. Dar 1/2 bawr vel ani ang.
11. Behliang mun hun: Zanriah chhum hun aia hma deuh. Behliang hi a hmin har avangin zanriah chhum hma in an mung thin. Dar 2 bawr vel ani ang.
12. Zanriah chhum hun: Zanriah chhum hun hi chu tlai dar 3 bawr vel hi ani awm e.
13. Lo sul haw hun: Ni tlak hma deuh, feh haw hun. Dar 4/5 bawr vel ani ang chu.
14. Unau hmel hai: Ni tlak tawh hnu, khua a la thim tak tak hma si, thil hmuh fiah theihloh hun lai.
15. Leng len hun: Zanriah ei kham, tlangval te nula rim tura an chhuah hun vel hi ani.
16. Thut muan ar khuan: Zan dar 8 bawr vel ani ang. Inleng inkawmhlim hunlai vera ar khuang hi ani.
17. Leng hnawtchhuak ar khuan: Leng haw hun lai. Zan dar 10/11 vel bawr ani ang.
18. Zanlai ar khuan: Mut reh hnu, zanlai dar 12 vela ar khuan thin hun lai hi
Tun tum chu Mizo Idioms & Phrases(Tawng upa) hi i zir ho teh ang u. Hetiang lam post hi ka hmu khat riau mai a. A thiamlo ber hian kan post ve ange.
Chhun leh zan hun then hrang hrangte hi a hmasa ber atan zirho phawt ila, post dangah a dang chu kan chhunzawm leh dawn nia.
Ka hriat hi a dik ber e ka tihna pawh ani lem lova, unau thawnthu sawi pawh a dang e an tih thin kha, Kan hriat dan a lo inang lo deuh anih pawhin comment lamah kan sawi ho dawn nia.
1. Khawfing chah: Khawvar hma lawk hian rei vaklo thim zual bik hun a awm a. Hemi a pelh veleh hian khua in ên lam a pan tial tial thin a, chumi lo ên tan hun chu Khawfing chah ani.
2. Thingchang var: Khawfing chah hma lawk hiankhua a lo êng lawk hlek thin a, chumi hun lai chu ani.
3. Varţian: Khawvar tantirh hunlai hi Vartian ani.
4. Leilung lan: Khawvar hnu ah, thil a hmuh chian tan theih hunlai hi ani.
5. Khuantevik: Zing ar khuan hun, khawvar ar khuan hun.
6. Kawl en: Khawvar tan tirh, kawl bul lo en hun lai.
7. Ni tlang san: Ni a chhuah san tawh hnu, Dar 7/8 vel bawr ani ang chu.
8. Nau riltam/Feh reh/Thingphur haw hun: Heng te hi chawfak hun hma, tukthuan ei kham leh chawfak inkar hun lai ani. Dar 10/11 bawr vel ani ang.
9. Chawfak hun : Chhun chaw ei hun lai hi. Dar 12 vel ani mai ang chu.
10. Chawhnu thlang her: Chawhnu thlang her ah hi chuan chawhnu lam, ni in vanlaizawl a pelh tawh hun ani. Dar 1/2 bawr vel ani ang.
11. Behliang mun hun: Zanriah chhum hun aia hma deuh. Behliang hi a hmin har avangin zanriah chhum hma in an mung thin. Dar 2 bawr vel ani ang.
12. Zanriah chhum hun: Zanriah chhum hun hi chu tlai dar 3 bawr vel hi ani awm e.
13. Lo sul haw hun: Ni tlak hma deuh, feh haw hun. Dar 4/5 bawr vel ani ang chu.
14. Unau hmel hai: Ni tlak tawh hnu, khua a la thim tak tak hma si, thil hmuh fiah theihloh hun lai.
15. Leng len hun: Zanriah ei kham, tlangval te nula rim tura an chhuah hun vel hi ani.
16. Thut muan ar khuan: Zan dar 8 bawr vel ani ang. Inleng inkawmhlim hunlai vera ar khuang hi ani.
17. Leng hnawtchhuak ar khuan: Leng haw hun lai. Zan dar 10/11 vel bawr ani ang.
18. Zanlai ar khuan: Mut reh hnu, zanlai dar 12 vela ar khuan thin hun lai hi
Good Post.. :)
ReplyDelete"Thutmuan ar khuan" khi ka lo la hre ngai miah lo anih hi. I zarah thil ka hriat belh leh ta. Good post.
ReplyDeletecaribou sawi hi keipaw'n ka hre ngailo. Hetiang inhrilhhtiar nawn zeuh zeuh hi tangkai tak a ni. Primary skul a ka tawhve zawk lai khan naupang ho zirlai atangin theihnghilh mai tur hriat nawn ka nei nual thin.
ReplyDeleteSir Cari, ka sawi bak pawh hi sawi belh tur hria an la awm.
ReplyDelete@Pu HV, a ni ngawt mai, theihnghilh te chu sawi loh, la hre ngai miahlo pawh an awm nia.
behliang mun..mún lai tak hi ege omzia le
ReplyDelete