Home » , » I blog a i thu ziak an post chhawng ve tawh em?

I blog a i thu ziak an post chhawng ve tawh em?

I blog a i thu post te, hmun dangah i phalna leh i remtihna la lemlo in an lo post ve tawh em?
May thla tir lam khan ka blog a ka thu post te Google ah ka search vel mai mai chhin a. Chutah chuan ka blog a ka post ang chiah hi blog dangah an post ve ani tih ka va hmu a. Tichuan ka en chiang ta a, Ka blog a ka post hun leh chumi blog a an post hun chu ka enchiang a, kei aiin a post hnuhnung ngei ani tih ka hmu ta a.

A blog neitu hi contact ka tum thin a, mahse ka contact theih tak mai loh avangin tihdan dang ka ngaihtuah ta a. Tichuan complaint thehluh theihna tur ka hmuchhuak ta hlauh mai a. Google lam chu ka contact ta a, an ni chuan ka complaint thehluh chu lo pawm in an lo remove sak ta ani.

Hetiang thil hi nang pawhin i tawng ve thei a. Hma lak vak ngaihna i hrelo anih chuan HETAH hian click la, google lam thu neitu te hnenah report ve rawh le. Thil pakhat hriat reng tur chu, i post a lak chhawn ngei ani tih i chiang ngam tur ani.

Thian tha tak tak te ka blog a ka thu post lo chhuahchhawng duh ten tha takin min rawn dil a, a lawmawm em em a, ui miahlo in ka chhuah chhawn tir mai thin a. Min rawn dil lemlo, an thu lakna source pawh ziaklang leh duh lem silo ho hi an buaithlak em em ani.

4 comments:

  1. A Tha hle mai. I taihmakna leh peihna avangin thil thar kan hriat belh phah der alawm... tha ka ti thlawt e. Keep It Up.

    ReplyDelete
  2. In mamawh ve hunah in hre kar dawn nia.

    ReplyDelete
  3. Hetianga mi dangte thu leh hla, phalna la hmasa si lova kan lo post chhawng thin hi a pawi khawp mai. Ni e, kan thu leh hla, kan ro hlu ang hiala ka ngaih, duh duha an lo post chhawng vel hi chu lung a dam thei chiah lo a ni. Keipawhin he thil hi ka lo tawng nasa tawh a, blog angah an post chhawng mai ni lovin, ka article (thu leh hla) te kha an mahni ir-awm chhuak ang maiin an hming nalamin an lo dah vel a, an zak lo hi ka han ti mai mai khawp a...vawi khat tal chu han zilh hrep ka chak thei khawp mai. Post chhawngtute Blog remove em hi chu tha in ka hre lo va, ka blog-a thu leh hla awm reng reng chu Copy- thei lo turin ka siam vek a, an copy tawh lo chiang khawp mai. An duh chuan an chhiar thei a, mahse an copy thei tawh lo a ni....

    ReplyDelete

Online

Site Statistics

LATEST COMMENTS