ZO NUN ZE MAWI - INREMNA
1 month ago
PHISING HMANGA MI ACCOUNT HACK SAK
Kam keu na
Phising hmanga mi account hack sak hi a lar khawp mai. Hacking lama tawn hriat nei lemlo, beginner tan pawh mahni a code ziak lemlova mi ziahsa hman tur leh copy tur a tam a, chuvang chuan hman a har lemlo. Amaherawhchu phising hmanga mi account luh dan hriatruk theih avanga hacker thiam tak emaw in tih ngawt tur a ni lemlo.
Phising hmanga mi account hack sak hi a lar khawp mai. Hacking lama tawn hriat nei lemlo, beginner tan pawh mahni a code ziak lemlova mi ziahsa hman tur leh copy tur a tam a, chuvang chuan hman a har lemlo. Amaherawhchu phising hmanga mi account luh dan hriatruk theih avanga hacker thiam tak emaw in tih ngawt tur a ni lemlo.
Tun tumah hian phising hmanga mi account hack dan sawi hi ka tum ber a ni lova. Phising hmanga beih kan tawh loh nana inven dan leh kan fimkhur ngaihna lam te ka sawi dawn a, amaherawhchu a hnathawhdan phung sawilan tho a ngaih avangin a tih dan engemaw chen chu ka rawn sawilang tho dawn a ni.
A tih dan
Phising hmanga mi account va hack dan chu kan hack sak duh te hnenah link va thawn tur a ni. Chumi link ah chuan kan va thawn ten an username leh password an lo chhut luh veleh khan khawi emaw laiah an login details (username leh password) chu lo chhinchhiah a, lo dahtha turin a in set sa ta thin a ni. Hei hi sawi tawh angin code thiam vak a ngailo a, mi code siamsa hman mai theih a tam em em a ni. Mahni ngeia code ziak duh tan pawh php, javascript etc hmanga ziah mai tur a ni. Phising hmang hian website a user te attack an ni tlangpui a. I username leh password hmanga login tura tih i ni tlangpui bawk ang.
A inven dan
A inven dan
Phising hi hlauh tur a ni lova, kan fimkhur thiam chuan buaina tur a awm lemlo. Tunlaiah website tam takah fb, gmail, instagram etc account hmanga luh theihna turin link a awm thin a. Site hriatchianlohah chuan heng account hmang hian luh loh mai a him a ni. Tichuan buaina i pumpelh a ni mai. Heng bakah hian mi dangin link click tur an rawn pe thei che a. Heng account ho hmanga login turin a rawn ti ang che. I hrechianglo a nih chuan lut duh suh. I lut duh a nih pawhin fb, google, instagram etc vel kha han hawng phawt la, i account hmangin i lut ang. Chumi zawhah link chu han click la, Phising atana siam a nih chuan a hranpa a i fb, google, instagram etc a username leh password i chhut luh leh a ngai ang, ti miah suh ang che. Chutiang ngailo a a luh nghal theih chuan kha site kha site him a ni tih hria la, hlauthawng suh ang che. Khawvel changkang zelah hetianga in luh tawn theihna tur hi website siamtute hian an ruahman vek a, chuavang chuan a him in hlauh tur a awm lemlo a ni.
Phising hmangin miin i login details an lo hre palh hlauh mai. Mahse lungngai suh. I account kha an ti chhe vek a, password te an lo thlak thei a nih loh chuan, i password kha han thlak keuh la, i him leh nghal a ni mai.
Phising hmangin miin i login details an lo hre palh hlauh mai. Mahse lungngai suh. I account kha an ti chhe vek a, password te an lo thlak thei a nih loh chuan, i password kha han thlak keuh la, i him leh nghal a ni mai.
How to schedule message on Whatsapp
Ka birthday pualin post kan siam ange. Tunlai khawvelah Whatsapp kan hmang lar ta hle mai. Message thawn tur a ni leh thla leh kum bakah a darkar thlengin set lawk theih a ni ta. A tih dan i la hrelo a nih chuan video hi i lo thlir dawn nia.
How to download youtube video from mobile
Mobile phone atanga Youtube Video Download dan hi mi tam takin kan hrelo thin a. Apps dang te download in chumi hmang chuan kan download thin. Apps dang kan install khan kan phone memory a lo luah ve a, internal memory nei tlem ah phei chuan buaina a lo awm thin. Chuvangin browser pangai atanga awlsam taka download mai hi a tha a ni. He tutorial ah hian Opera Mini ka hmanga, UC, Chrome leh browser dang i duh duh i hmang thei, a tih dan a inang vek e.
How to upload videos at youtube from mobile
Tunlai ah kan video dahthat duh te youtube lama upload mai kan in tihhmuh chho ta a. Computer neilo tan pawh phone atanga awlsam taka upload mai theih a ni. He tutorial ah hian Youtube Android application hman a ni.
MIUI Version hrang hrang hrilhfiahna
Post 100 ka siamna tur a ni bawk a, a lawm nan tun tum chu tunlai a lar Xiaomi phone chungchang hi kan post ange.
Xiaomi phone nei ho tan Update chi hrang hrang Global Stable, Global Beta leh adang dang a chhuak thin a, chung la hre hrang lo leh khawnge thlan tur zawk la hrelo te in awm chuan he post hi in chhiar zawh chuan in MIUI Version hrang hrang in hriatthiam tawh ngei ka beisei.
Stable leh Beta hi Global leh China a awm ve ve a. A sawi awlsam nan Stable hi thla 1 emaw thla 2 emaw ah update thar a chhuak ziah a, Beta hi chu kar tin software update a chhuak thar thin. Chiang zawk in han en leh dawn ta ila.
China Beta : Hetah hian MIUI update an nei chak ber a. He ROM hi root sa a ni a, mahse Bootloader Unlock a ngai thung. A unlock dan hi post hranah kan la sawi dawn nia. China Beta hian Mi Service ho zawng zawng Online Music, Assistant, Mi Pay leh thil dang te a nei kim vek a ni.
China Stable : China Stable version ah hian Gapps a awm velo a, amaherawhchu Mi Service ho a awm kim in update tha takin a awm thung.
Global Beta : He ROM hi an hman nasat ber zing ami a ni. He ROM ah hi chuan Gapps a hman theih a, tin kar tin Update thar a awm bawk. Global Stable aiin thil thar a chhuak hmasa zawk zel a. Tin, Mi Cloud a awm a, hemi ah hian thil tam tak a backup theih a ni. A tih dan hi post hran ah kan la sawi ang.
Global Stable : He ROM ah hi chuan apps kan mamawh ang te a awm kim hle a, tin version dang aiin bugs(diklo) a tlem zawk a, kar tin update ziah peihlo tan a tha hle a, a hman tlak ber bawk a ni. Net signal thalo emaw, net pack renchem deuh te tan hman chi a ni.
MIUI Roms te hriat hran dan
MIUI Rom hrang hrang te hriat hran emaw, eng ang nge an nih tih i hre duh maithei a. MIUI version te reng reng hian code bik an nei vek a, hetiang hian hriat hran mai theih an ni.
Beta Rom : An tihchhuah ni leh thla leh kum tarlanna a ni mai. Entirnan, 7.7.08 lo ni ta se, a hmasa ber hi kum sawina a ni. 2017 lam tawi ah 7 an hmang mai a ni. A dawt a 7 awm leh hi a thla sawina a ni a. July thla a tihchhuah tihna a ni mai. A tawp ber hi a ni zat sawina a ni a. Ni 8 ah khan tihchhuah a ni tihna a ni. Tichuan Ni 8.7.2017 ah kha Beta Rom kha tihchhuah a ni tihna a ni mai.
Stable Rom : Stable Rom ah hian tlem in a danglam ve thung a. Entirnan 8.2.5.0 MHOMIDL tih a lo awm ta a. 8 hian MIUI 8 a ni tih a lantir a, 2 hian an update zat a entir a, 5 leh 0 hi a version sawina a ni. Tin, M hian Marshmallow Rom a ni tih a entir a. Lollipop ah chuan L, tin Kitkat ah chuan K a awm ang. HO hian Redmi Note 3 atana hman tur tih a sawina a ni a, MI tih hian Global Rom a ni tih a entir a, DL tih hian MIUI Version code a entir ve thung a ni.
Zawhna a awm chuan comment lamah kan in chhang dawn nia.
Zawhna a awm chuan comment lamah kan in chhang dawn nia.
HTML Tutorial Part-1 (Mizo)
Mi tam takin HTML tutorial hi siam turin min ti thin a, amaherawhchu duh anga hunawl ka neihloh chu thuhran nise, ka taimakna in a tlin chiahlo bawk nen, siam lovin ka awm ta reng a. Mizo tawng ngeia tutorial kan neihloh em avangin peihlo tak chungin kan ti leh ta hram hram a ni e.
He tutorial ah hian HTML hmandan kan sawi dawn a ni a, a harsa lemlo bawk a, tu tan pawh thiam harlo a ni. A hmasa in HTML chu enge tih la hrelo hrim hrim te pawh kan awm thei a. Chuvangin a saifiahna in bul han tan ta phawt mai ila a tha ange.
HTML chu eng nge ni?
HTML chu website siamna tura code kan ziah thin a ni a. A lampum chu Hyper Text Markup Language tih a ni. HTML hmang hian kan website nihphung tur zawng zawng kan duang chhuak thei a. Kan code ziah kha browser ah lang tawhlo in kan code ziah a a lan dan tur kan ziah ang ang kha browser ah chuan a langchhuak thung tawh dawn a ni.
HTML hi version hrang hrang a chhuak ve a. A version leh a chhuah kum chu hetiang hi a ni.
Khawiah nge HTML code chu kan ziah ang?
HTML hmang tur hian software hranpa vak a ngai chuanglo a. Text editor ho hmang hian a ziah theih vek a. Notepad te hi hman a awlsam in HTML ziah nan a tha hle. Notepad a html code i ziah zawh hnu ah i save anga, a file hming kha index.html tiin i save dawn nia. Tin, Encoding ah khan UTF-8 tih kha select bawk tur a ni. I save zawh chuan notepad chu close la, i thil save chu han open chhin la, a lan dan a lo danglam tawh tih i hre thei ang. I edit leh duh anih chuan Right Click>Open With>Notepad kha select leh mai tur a ni.
Tikhan a tih dan tur i hre ta a, Part 2 atangin a code pangai kan zir tawh dawn nia.
He tutorial ah hian HTML hmandan kan sawi dawn a ni a, a harsa lemlo bawk a, tu tan pawh thiam harlo a ni. A hmasa in HTML chu enge tih la hrelo hrim hrim te pawh kan awm thei a. Chuvangin a saifiahna in bul han tan ta phawt mai ila a tha ange.
HTML chu eng nge ni?
HTML chu website siamna tura code kan ziah thin a ni a. A lampum chu Hyper Text Markup Language tih a ni. HTML hmang hian kan website nihphung tur zawng zawng kan duang chhuak thei a. Kan code ziah kha browser ah lang tawhlo in kan code ziah a a lan dan tur kan ziah ang ang kha browser ah chuan a langchhuak thung tawh dawn a ni.
HTML hi version hrang hrang a chhuak ve a. A version leh a chhuah kum chu hetiang hi a ni.
| Version | Year |
|---|---|
| HTML | 1991 |
| HTML 2.0 | 1995 |
| HTML 3.2 | 1997 |
| HTML 4.01 | 1999 |
| XHTML | 2000 |
| HTML5 | 2014 |
HTML hmang tur hian software hranpa vak a ngai chuanglo a. Text editor ho hmang hian a ziah theih vek a. Notepad te hi hman a awlsam in HTML ziah nan a tha hle. Notepad a html code i ziah zawh hnu ah i save anga, a file hming kha index.html tiin i save dawn nia. Tin, Encoding ah khan UTF-8 tih kha select bawk tur a ni. I save zawh chuan notepad chu close la, i thil save chu han open chhin la, a lan dan a lo danglam tawh tih i hre thei ang. I edit leh duh anih chuan Right Click>Open With>Notepad kha select leh mai tur a ni.
Tikhan a tih dan tur i hre ta a, Part 2 atangin a code pangai kan zir tawh dawn nia.
Lushai Technology
Mizo ten internet lama hma kan sawn lehzual theih nan, a bik takin website lamah hma kan sawn theih nan hlawkna um lovin Domain leh host lei theihna website kan siam ve a. Man tlawm takin lei theih a ni e. Tin, website siam duh, mahni a design thiamlo te pawh man tlawm zawk in kan design sak thei reng bawk.
Lushai Technology hian free hosting kan buaipui mek a, reilote ah a free a hman theih tur kan rawn peihfel thuai ang. A hnuaia link ah hian lo en ve teh le.
http://www.lushaitechnology.com
Lushai Technology hian free hosting kan buaipui mek a, reilote ah a free a hman theih tur kan rawn peihfel thuai ang. A hnuaia link ah hian lo en ve teh le.
http://www.lushaitechnology.com
SOURCES OF WATER
Tui hi khawvel a thil pawimawh ber te zing ami a ni ti ila kan sawisual tam awm love. Tui hian tuipui, lui leh dil te luah in Khawvel hmun li a then a hmun thum aia tam hret hi tui hian a luah a ni. Tlang hrang hrangah vur angin a awm a, tin, lei chhungril ah a awm bakah kan atmosphere (Lei tuamtu boruak) ah te tui hu angin a awm nual bawk a ni.
Tui kan hmuhna hrang hrang te hi hlawm lian tak pali ah then ta ila :
1. Tuipui : Khawvel pawn 71% vel hi tuipui kan tih hian a huam a. Kan tui hmuhna za a sawmkua leh pasarih (97%) hi tuipui atanga kan hmuh a ni. Mihring leh thlai tena tui kan mamawh hi 1% vel a ni a, tui hi kan hman thiam a, kan enkawl uluk chuan kan duh anga tam hman tur kan nei reng thei dawn a ni.
2. Ruah tui : Ruah tui kan tih te hi boruak bawlhhlawh lohna ah chuan kan tui hmuhna hnar pawimawh tak a ni. Lei lama tui te tuihu ah chang in van lamah an chho a, chu chu a rawn sur thle leh a, ram hnuaihnungah chuan kan buh leh thlai te chawmna pawimawh tak pakhat a ni. Amaherawhchu boruak bawlhhlawh avangin engemaw zat hi chu in tlakloh ah a chang thin a ni.
3. Tui tling: Tui tling kan tih hian lui leh dil vel atanga kan hmuh ho hi a huam a. Kan tui lakna pawimawh ber te zing ami a ni. Amaherawhchu kan bawlhhlawh paih avang te, kan thli hrang hrang, ran thi kan paih mai mai leh kan bawlhhlawh hrang hrang avangin a tam zawk hi chu ei leh in tlakloh ah kan chhuah tawh a ni.
4. Tuichhunchhuah : Tui chhunchhuah kan tih hian lei hnuai atanga kan laihchhuah/pump chhuah ho a huam a. Lei pawnlang a tui te hi lei hnuaiah lut in tha taka in filter in a lo awmkhawm thin a, chu chu kan zuk pump chhuah in ei leh in atan kan lo hmang thei thin a ni.
Check your T.V. Remote control easily
Tunlai khawvel ah remote control hi kan hmang nasa a, kan thil tihna hrang hrangah remote control hman kan uar in kan nunphung pawh a ti awlsam khawp mai. T.V. mai nilo, electronics thil dang dangah pawh remote control hi kan hmang nasa em em tawh a ni.
Hetiang taka pawimawh anih avang in a chhiat in a buaithlak thin hle a. Tin, remote hi in millo leh in man theilo a awm theih avangin lei sual palh a awl thin hle. Engemaw chang chuan a chhe sa te pawh lei chang a awm thin. Chuvangin awlsam taka remote control tha leh tha lo hriat theihna hi a pawimawh hle a ni.
A hmasa ber ah chuan i remote control battery kha check phawt ang che. A check na i neilo anih pawhin a thar lei la, chu chu i remote ah khan i thun dawn nia. Battery thar i thun hnu pawha a la thalo anih chuan hetiang hian i test dawn nia.
A hmasa ber ah chuan tunlai ah mobile phone kan nei deuh vek tawh a, i phone camera on la. Camera ah chuan remote atanga signal pekchhuahna hmawr chu i tin zawn dawn nia. I camera ah chuan en la, remote chu hmet rawh le. A hnuaia a lem ang hian a awm anih chuan i remote a chhia a, a chhung lamah siam a ngai tih hriat tur. A siam thiam hnena kalpui mai tur a ni.
Amaherawhchu a hnuai ami anga a lo eng anih chuan i remote chu a tha tihna a ni a. A thar lei kher a ngai lemlo.
A hmasa ber ah chuan i remote control battery kha check phawt ang che. A check na i neilo anih pawhin a thar lei la, chu chu i remote ah khan i thun dawn nia. Battery thar i thun hnu pawha a la thalo anih chuan hetiang hian i test dawn nia.
A hmasa ber ah chuan tunlai ah mobile phone kan nei deuh vek tawh a, i phone camera on la. Camera ah chuan remote atanga signal pekchhuahna hmawr chu i tin zawn dawn nia. I camera ah chuan en la, remote chu hmet rawh le. A hnuaia a lem ang hian a awm anih chuan i remote a chhia a, a chhung lamah siam a ngai tih hriat tur. A siam thiam hnena kalpui mai tur a ni.
Amaherawhchu a hnuai ami anga a lo eng anih chuan i remote chu a tha tihna a ni a. A thar lei kher a ngai lemlo.
Hetianga check nachang kan hriatloh avangin mi tam takin tul lo takin
remote thar kan lei phah thin a, sum kan seng thlawn mai mai thin a ni.
How to make windows 7 genuine
Windows 7 genuine lo hman hi a buaithlak thin hle a, tin a key neih mai loh te pawh a awm thin a. Chuvang chuan awlsam deuh a genuine a dah theih dan hriat hi thil pawimawh tak a ni ve a. Tunlai ah software tam tak a chhuak tawh a, amaherawhchu heng ho hi antivirus ten virus awm anga a hmuh thin avangin a buaithlak chang a awm thin a. Chuvang chuan software dang hman ngailoin awlsam taka genuine a dah dan kan sawi dawn a ni.
Tuna kan software hman tur hi DOS a ni a. Computer zawng zawng, windows operating software hmang ho chuan a hranpa a download ngailo in an nei vek a ni.
A hmasa ber ah chuan DOS kan hawng phawt ang. Chumi tur chuan Start button ah click la, search programs and files tih ah khan cmd tih type la, chunglamah khan a rawn lang ang. Chu chu i right click anga, run as administrator tih ah khan i click anga, DOS chu a rawn inhawng dawn a ni.
Khitiang a lan hnu khian a command kan type thei ta. SLMGR -REARM tih i type anga, enter i hmet dawn nia. A code khi small letter leh capital hman theih ve ve a ni a, amaherawh chu small i hman chuan small vek, capital i hman chuan capital vekin i type dawn nia.
ENTER i hmeh zawh ah a hnuaia a lem ang hi a lo lang anga, OK lo click mai tur a ni.
Halleluiah Chorus & Amen
Khawbung Kohhran Zaipawl in kum 2015 Tuipuiral Presbytery inkhawmpui, Khawbung Kohhran-a neih ah khan Halleluiah Chorus leh Amen hla inzawm hi kan sa ve a. A ropui dangdai ve khawp mai.
Halleluiah Chorus hi hmun hrang hrangah kan sa thei deuh fur hlawmin ka ring a. Amen hla tak erawh hi chu a hla thu a tlem viau a, AMEN tih zawng anih laiin a har em em mai a. Keini ang thingtlang khua atanga sak atan chuan ropui ve tak a ni.
English-Mizo Dictionary ka siam ve a
Computer a hman tur English-Mizo Dictionary ka siam ve e ka tia. Hun neihloh nen a hautak ve viau mai. A file a lian lemlo a, engemaw chang a han en mai atan a tha ve riau a. I duh ve anih chuan a hnuaia link atang hian i download dawn nia.
Ka computer a chhiat avangin ka chhunzawm thei lova, a part te chah in tunah chuan ka chhunzawm leh thei dawn ta e.
Dictionary Download
Ka computer a chhiat avangin ka chhunzawm thei lova, a part te chah in tunah chuan ka chhunzawm leh thei dawn ta e.
Dictionary Download
WAPKA site edit dan
Wapka a site in register dan kan sawi tawh a. Tun tum chu site edit dan a bul te atangin in sawi leh dawn teh ang.
A hmasa ber ah chuan www.wapka.com ah lut leh phawt mai la. Login na tur pahnih a lo awm anga, a chung zawk kha hman tur a ni. Passport(email) tih ah khan i in registerna email address i type anga, password ah i password kha i type leh mai ang. Automatic login kha i enable chuan i luh leh hunah email leh password type kher ngailo in a luh theih mai thin a. Mahse computer in hman tawm chi ah chuan a fuh kherlo maithei.
Login button i click zawh ah phek thar a lo in hawng anga. Site List tih hnuai ah khan i site siam thar kha a lo lang anga. Chu chu i select anga, page thar lo in hawng ah chuan hetiang ang hian a lo lang ang.
User mode hi User te anga site lan dan en na a ni a, Admin mode hi Admin tana site Edit na tura kan luhna tur ber chu a ni leh a. Stats tih atang hian kan site statistics en theih a ni a. Nitin a kan visitor neih zat te, kar khat chhunga kan neih zat te leh thildang dang en theih a ni a.
Settings hi site settings siamna tur a ni bawk a. Advertisement ah hian kan site a pawisa hlawh a kan advertisement dah theihna tur siamna a ni a. Tin, Support tih ah hian WAPKA forum leh Private Message te en theih a ni bawk.
Tools atang hian thil tam tak a tih theih a, Free space transfer te leh eng eng emaw a tih theih a. Home page tih hi a hma chiah a page lo lang a let lehna kha a ni.
Tichuan site Edit tur chuan Admin mode chu kan select a ngai ta a. Kan select hnu chuan kan site ah a lut anga, chumi ah chuan kan site ka edit na tur hmanraw hrang hrang kan select kual tawh dawn a ni.
Admin mode ah chuan kan site homepage kha a lo lang anga, mahse page edit na tur ho kha hemi ah hian a awm vek thung tawh dawn a ni. Engmah i la dah loh avangin a var blank pawp in a lo lang rih anga. Page dinglam sir hnuailam ah khan Edit Site tih a lo awm anga. Kha kha click tur a ni. Hetiang hian a lo lang anga.
Admin mode ah chuan kan site homepage kha a lo lang anga, mahse page edit na tur ho kha hemi ah hian a awm vek thung tawh dawn a ni. Engmah i la dah loh avangin a var blank pawp in a lo lang rih anga. Page dinglam sir hnuailam ah khan Edit Site tih a lo awm anga. Kha kha click tur a ni. Hetiang hian a lo lang anga.
Heng a chunga mi te hi a hmanna hrang hrang post thar ah kan sawi zawm leh dawn nia.
Wapka a in register dan
Wapka chungchang post kan tichhuak tawh a. Tun tum chu a in register dan lampang hi sawi ve leh dawn ta ila a tha awm e.
Wapka website www.wapka.com ah i lut phawt anga, Wapka passport tih ah khan hnuai lamah Signup tih kha i click anga. Veilam sir a thlalak ang hian a lo lang ang.
Passport(email) tih ah hian i email address i type anga. Password ah i password hman duh kha i type leh anga, Confirm Password ah hian a chung chiah a i password type kha i type nawn leh ang. Site name ah hian i site hming tur hi box hmasa zawk ah hian i type anga. A piah ah hian .wapka.mobi tih te, .wapka.me tih te, .wap-ka.com tih te select tur a awm a. I duh ber kha i select mai dawn nia.
A hnuai a accept tur awm ho kha i select vek anga, Chumi zawh chuan Sign up tih button ah click tawh mai tur a ni.
I tih zawh ah i email ah activate na tur link a thawn anga, i email i hawn hnu ah link ah chuan i va click anga, tichuan i site thar tur chu a hman theih nghal mai dawn a ni.
Site thar a nih avangin a blank vekin a lang dawn a, i thil dah tur kha nangman uluk taka html code nen i siam ve a ngai dawn ta a ni.
Kan sawi tawh angin Wapka hian wml/xhtml bakah Javascript te a support a. HTML tlem azawng thiam tan chuan huphurhawm pakhat mah a awm lemlo. Tin, amah hian code hman tur eng eng emaw a nei sa ve a, chung chu kan account ah hian en mai theih in example nen a awm sa thlap bawk.
Automatic Water Level Indicator/Controller
Tun tum chu kan tuizem a kan tui pump luh te, tuizem chhung bih kher ngai lova inchhung atanga a tui awmna chin awlsam taka tarlang mai thei tur khawl siam dan sawi ve thung ila. Electronics lama thiamna leh engemaw chen hmelhriat na nei lemlo tan chuan hriatthiam pawh a har deuh mai thei.
A hnuai ami hi a circuit diagram chu a ni a, hemi hmang hian i tuizem a i tui pump kha ngaihven ngai miahlo in awlsam takin i pump anga. A khah hunah a mah in a lo in off mai dawn a ni.
A chung a a lem hi ngun takin en la, Water tanks chhunga Rods(Sr 1-6) te hi tui a in chiah reng tur an nih avangin alluminium hman tur a ni. Tin, switch 1 hmang khian tui khat tur chin pawh i duh ang zat ah i dah sa vek thei a. Entirnan, SR5 thleng chin dahkhah i duh chuan Switch 1(S1) ah hian pin no 5 zawn ah i herh mai ang. Chutiang zel chuan a dang pawh hi tih vek theih a ni.
Tui chim chin i hriat theih nan LED 1 - 6 hi a eng zel dawn a. I tuizem a khah chuan LED 6 hi a eng mai ang. Tuizem chhung en kher ngai lovin LED hmang hian tui awm chin i hre thei zel dawn a ni.
PHP-FUSION
Tun tum chu PHP-Fusion chungchang hi post ve tlat teh ang. PHP-Fusion hi kan la hmelhriat lar lutuk lo mai thei a. A hming pawh hi kan vawikhat hriatna a ni maithei.
PHP-Fusion chu website siamna software a ni e ti mai ila a chiang thei mai awm a. PHP-Fusion hi PHP leh MySQL tangkawp hmanga website siamna a ni a. Kan hriat lar em em Wordpress te ang hi a nihna chu a ni mai. Website siam tur te tan chuan download hnu ah server ah upload a, mahni duh dan a chei mai theih a ni.
PHP Fusion hian News, Article, Private Message, Downloads, Weblinks leh Photo Gallery te a chhawm vek a. A vai hian a rual a hman vek theih a ni. Tin, duh bik nei tan mahni duhloh zawng kha disable mai theih vek a nih avangin a awlsam hle bawk.
Heng a chhawm sa bakah hian addons tam tak download a hman mai theih a awm a. Tin, theme te pawh mahni duh ang download a hman mai tur a awm teuh bawk. Tin, a code hi a harsa em em lemlo a, chuvang chuan PHP thiamna tlem azawng neih chuan awlsam taka mahni duh dan anga siam kual theih vek a ni bawk. Theme te pawh HTML leh CSS hrethiam tan chuan awlsam taka chei danglam theih vek a ni. Tin, a hrethiam lemlo tan pawh awlsam taka download mai tur a awm teuh a, buaina tur a awm lem love.
PHP Fusion hi a that ve riau na chu hriatthiamloh leh buaina neih hun a zawhna zawh mai na tur an nei tha em em hi a ni. Ram tam tak ah mahni tawng hmanga harsatna zawhna hmun an nei nual tawh a. India ram tan pawh www.php-fusion.in hi hetiang atana duan a ni a. Tin, Mizo tawng ngei a a locale(language) te pawh hman theih turin download tur dah a ni ve tawh bawk.
PHP Fusion hi tunah hian Version 8 buaipui mek a ni in peihfel a la nilo deuh a. Peihfel thuai tura beisei an ni bawk. Ram hrang hrang atanga mithiam tam tak ten an enkawl a nih avang hian a security bakah a nihphung pawh tha ve hle turah ngai phawt ila. Tin, a size a len loh avang hian a zangkhai in a page load a rang hle bawk.
WAPKA
Wapka han tih tawp mai chu a awmzia la hrelo tan chuan a bo theih viau awm e. Tlemlai deuh atang khan current kan hmu chhe em em mai a. Blog lama thu han ziah ve duh pawhin mobile atang chuan a lo tih ve theih der loh mai a. Tichuan blog siamna tur, mobile hmang pawh a awlsam taka siam theih mai na tur ka zawng kual ta a. Chuta ka hmuh chhuah tak chu WAPKA hi a ni.
Wapka chu mobile user te tan deuh bik a siam a ni a. Mahse site pangai anga cheibawl duh pawhin a theih vek tho. Mobile hmangin awlsam taka a code pawh edit mai theih a ni a. A code ah hian html, xhtml, wml leh javascript te a support vek bawk. Awlsam taka mahni duhdan a edit mai theih vek a ni.
A awlsam leh na chu download tur file a dah teuh theih hi a ni a. Nangman i file duh ang te midang lo download theih mai tura i upload thei vek hi a awlsamna chu a ni. Tin, midang pawhin an lo upload ve theih turin i siam thei bawk.
Thlalak, text leh file te a dah kawp theih vek avang hian a tangkai hle a. Tin, blogger a tih theih ho hi chu a tih ve theih deuh vek bawk avangin a awlsam in a tha hle. I ti ve duh a nih chuan WAPKA.MOBI ah hian in a free in in register ve mai rawh. Tin, harsatna i neih chuan Zo-Mobitech ah hian zawh theih reng a ni bawk e.
