Post hmasa lam chhiar lo tan heng te hi chhiar hmasak phawt nise:
1. HTML zir ang
Post hmasa lamah title thleng dah dan kan sawi tawh a, khami chin ah khan duhtawk phawt ila. Tun tum chu HTML hmanga kan site siam chhung ah kan thu ziah tur te dahluh dan sawi leh dawn ang aw.
Kan hriat hmasak tur chu HTML hmanga kan website siam ah hian, a page a lang tura kan duh ho hi BODY chhungah kan khung tur a ni. Text emaw, link emaw, image emaw, video te pawh BODY chhungah kan khung vek tur a ni. BODY chhunga khung tur chuan BODY hi kan siam belh a ngai ta a, a code ah hetiang hian kan ziak ang.
<HTML>
<HEAD>
<TITLE>TEST</TITLE>
</HEAD>
<HEAD>
<TITLE>TEST</TITLE>
</HEAD>
<BODY>
</BODY>
</HTML>
</HTML>
BODY hi HEAD chhunga khung tur a ni lova, a hran a awm tur a nih avangin HEAD i closed hnu ah BODY i siam chauh ang. Hetiang zawng hian HTML hmanga kan website siam awmdan phung hi ngaihtuah ta ila a chiang thei mai in ka ring. Kan website siam tur chu mihring angah ngaihruat ta ila. Mihring chuan Lu, Taksa leh ke kan nei a. Hetiang chiah tho hi website awmdan phung a ni thin. Lu, taksa leh ke a nei thin. I lu kha i taksa ah vuah ta la a diklo ang bawkin, HEAD section hi BODY section chhungah khung la a diklo bawk ang.
Chutiang chiah chuan i taksa kha i lu ah vuah dawn ta la a dik dawnlo ang chiah khan, BODY hi HEAD chhunga i dah chuan a fuh dawnlo a. Chuvang chuan a lu i siam phawt anga, a taksa i siam leh ang. HEAD section i khar fel hnu ah chauh BODY section i hawng dawn tihna a nih chu.
Tichuan, kan body chhung ah chuan text dahlut dawn ta ila, a hnuai ami ang hian <BODY> leh </BODY> inkar ah hian kan thu dah duh, website a lang tura kan duh chu type phawt ang le. HELLO, HTML HMAN KA ZIR MEK A NI tih type ang aw.
<HTML><HEAD>
<TITLE>TEST</TITLE>
</HEAD>
<BODY>
HELLO, HTML HMAN KA ZIR MEK A NI
</BODY>
</HTML>
Hemi i type zawh chuan save la, test.html chu hawng chhin teh le. HELLO tih lo lang i hmu tawh ngei ang.
Anonymous (69)
A va tangkai thei em. Tha lutuk e.
ReplyDeleteTha thin hle mai
ReplyDeleteNakinah uluk takin ka ti ve chhin ang. A tha, lo ziak zel rawh.
ReplyDeleteKimchang deuhin rawn tih chhunzawm zel teh. Uluk takin ka lo chhiar e.
ReplyDelete