Home » » PHP-FUSION

PHP-FUSION

Tun tum chu PHP-Fusion chungchang hi post ve tlat teh ang. PHP-Fusion hi kan la hmelhriat lar lutuk lo mai thei a. A hming pawh hi kan vawikhat hriatna a ni maithei.

PHP-Fusion chu website siamna software a ni e ti mai ila a chiang thei mai awm a. PHP-Fusion hi PHP leh MySQL tangkawp hmanga website siamna a ni a. Kan hriat lar em em Wordpress te ang hi a nihna chu a ni mai. Website siam tur te tan chuan download hnu ah server ah upload a, mahni duh dan a chei mai theih a ni.

PHP Fusion hian News, Article, Private Message, Downloads, Weblinks leh Photo Gallery te a chhawm vek a. A vai hian a rual a hman vek theih a ni. Tin, duh bik nei tan mahni duhloh zawng kha disable mai theih vek a nih avangin a awlsam hle bawk.

Heng a chhawm sa bakah hian addons tam tak download a hman mai theih a awm a. Tin, theme te pawh mahni duh ang download a hman mai tur a awm teuh bawk. Tin, a code hi a harsa em em lemlo a, chuvang chuan PHP thiamna tlem azawng neih chuan awlsam taka mahni duh dan anga siam kual theih vek a ni bawk. Theme te pawh HTML leh CSS hrethiam tan chuan awlsam taka chei danglam theih vek a ni. Tin, a hrethiam lemlo tan pawh awlsam taka download mai tur a awm teuh a, buaina tur a awm lem love.

PHP Fusion hi a that ve riau na chu hriatthiamloh leh buaina neih hun a zawhna zawh mai na tur an nei tha em em hi a ni. Ram tam tak ah mahni tawng hmanga harsatna zawhna hmun an nei nual tawh a. India ram tan pawh www.php-fusion.in hi hetiang atana duan a ni a. Tin, Mizo tawng ngei a a locale(language) te pawh hman theih turin download tur dah a ni ve tawh bawk.

PHP Fusion hi tunah hian Version 8 buaipui mek a ni in peihfel a la nilo deuh a. Peihfel thuai tura beisei an ni bawk. Ram hrang hrang atanga mithiam tam tak ten an enkawl a nih avang hian a security bakah a nihphung pawh tha ve hle turah ngai phawt ila. Tin, a size a len loh avang hian a zangkhai in a page load a rang hle bawk.

5 comments:

  1. A tha hle mai.. Ka vawi khat hriatna a ni...

    ReplyDelete
  2. A tha hle mai.. Ka vawi khat hriatna a ni...

    ReplyDelete
  3. Ka bangbo thin hle mai. Mahse i thuziakte hi an hlu thin ka ti a ni.

    ReplyDelete
  4. Ms frontpage te,dreamweaver te nen a in ang deuh tihna em ni?

    ReplyDelete
  5. Inang love. Code ziahsa, server a install a hman mai tur chi a ni e.

    ReplyDelete

Online

Site Statistics

Follow by Email

Contact Form

Name

Email *

Message *