Home » » HTML zir ang (Chhunzawmna)

HTML zir ang (Chhunzawmna)

Khaile, post hmasa lamah HTML code ziah dan tlangpui kan sawi tawh a. Kan hrethiam tlang vek turah ngai ila. Tun tum ah hian post hmasa lam a kan sawi bak kan sawi chhunzawm leh anga. Hriat thiamloh kan neih chuan comment lamah ka in zawt mai dawn nia.

Awle, Website title dah dan hian bul tan ila. Title hi page tin ah dah vek theih a ni a. Head section chhungah title hi kan dah tur a ni. Title kan dah dawn chuan a code chu <title></title> hi a ni mai a. A open leh close na inkar ah hian kan title dah duh kha type mai tur a ni. Kan title dah duh chu TEST tih ni ta se, hetiang hian code kan ziak mai ang. <title>TEST</title> . Tichuan a HTML code kima kan dah dawn chuan hetiang hian kan ziak ang:-
<HTML>
<HEAD>
<TITLE>TEST</TITLE>
</HEAD>
</HTML>

Tichuan, i code ziah chu test.html tih emaw khan han save la, open rawh le. A hnuai a a lem a fei dum a ka kawhtir hi en la, tin a chung Firefox tih inziah na bul ami nen khian i en dawn nia. Heta lo lang hi a title kan dah chu a ni ta a. A title dang kan hmang duh a nih pawhin <title> leh </title> tih inkar a kan text dah kha thlak zel mai tur a ni.
Hetah hian kan hriat atan a pawimawh leh sawi hmaih theih hauh loh chu kan code open hnuhnun apiang kha close hmasak thin tur a ni. Entirnan, <head> ti a kan open hnu ah <title> kan dah a. Head close phawt hnu ah title hi close leh tur a ni lova. Kan open hnuhnun zawk title kha close hmasak tur a ni. Chuvang chuan, <HEAD><TITLE></TITLE></HEAD> kan ti ta a. Head chhunga title kan khung avangin head huamchhung ah title pawh kan close ngei tur a ni. Chutiang zel chuan a dang pawh tih zel tur a ni.

Tikhan title dah kan thiam leh ta a, mahse tuna kan zir chin ah hian kan webpage a lang tur pakhat mah a la awm lova. I open pawhin a blank tawp in a la lang rih dawn a. Post thar ah a chhung thu dah dan chu chhunzawm leh kan tum dawn nia.

5 comments:

  1. I rawn ti tak tak peih dawn anih chuan uluk takin ka zir ve ang.....ti hian i ti uk ang a, min bansan daih si ang tih a hlauhawm.........

    ReplyDelete
  2. @sir cari, a tlangpui tal chu ziah chhuah vek ka tum. I zir peih phawt chuan ka rawn ziak zel ang.

    ReplyDelete
  3. Kei paw'n ka hmang tangkai nasa a nia. Lo post zel rawh. Mizo tawnga chhiar tur a awm ta hi a lawmawm lutuk tlat.

    ReplyDelete
  4. Head chhunga title dah kher lo hian , site page tinah a dah theih mai lo a mi.. ? Eg: Mobile tips tih page ah chuan mobile lam hawi title te tihlan duh ve ta ila..

    ReplyDelete
    Replies
    1. Page hran i siam phei chuan ngei ngei in a chunga kan dah ho khi i dah kim vek a ngai. A title erawh chu page hrang hrang ah i duh ang ang i hmang thei.

      Delete

Online

Site Statistics

LATEST COMMENTS