Home » » Puan thui khawl

Puan thui khawl

Tun tum chu kan nitin khawsak na a pawimawh em em, a pawimawh ti a kan hriat langsar tak ni silo, Puan thui khawl chungchang hi kan zirchian pui hlawm teh ang che u. :-D
KhawlPuan thui khawl hi a pawimawh khawp mai a. Kan thawmhnaw inbel mawi tak tak te hi puan thui na khawl atanga lo chhuak a ni a. Hetiang taka pawimawh nisi hi a lar ta lo em em mai a. Tunlai ah phei chuan puan thui ho bak chuan a hmuh pawh kan hmu khat ta hlawm viau mai.

Puan thu khawl hi kum 1790 khan English inventor Thomas Saint chuan a lo hmuchhuak daih tawh a. Khami hmalam leh a hnu lam hun engemaw chen kha chu kut hmang a thui vek a ni thin a ni. Tichuan khang hunlai a an khawl kha ti danglam a ti changtlung chho zel in tunah chuan electrict hmang chi te pawh a awm tawh a. A hman pawh an hmang nasa tawh viau mai.

A part hi a ho angreng hle a, tun tum ah chuan electrict hmang lo ho, kut leh ke khawl ho chungchang hi zir ho ta ila. A hnuai a a lem hi ngun takin lo en phawt mai teh le.

Takeup lever khi khawl hrui var mar tu ti mai ila hriat a awlsam ka ring deuh a. Tension regulator ah khian a hrui a lo chhuk thla a, khi khi a khawlla lo pawt khawng tu leh adjust na pawimawh tak a ni. Chuan needle clamp ah a hrui chu rawn chhuk leh in khawl hriau beng ah kan thil ta thin a ni. Feed Dog khi hnuai lam atanga puan lo nawr kal tu thir tial ki nei kha a ni a, a pawimawh hle. Shuttle Race khi Bobbin vihluhna, a hnuai lam hrui awmna a ni bawk.

A chung a a lem hi en leh ta la. Spool Pin hi khawl la hlum dah na tur a ni a. Stitch Regulator khi a khawl ha kal khat zawng adjust na kha a ni leh a. Drop Feed Knob khi picture chung zawk a Feed Dog adjust tu khi a ni a. Kan hriat awlsam dan tur chuan puan chi hrang hrang thui dawn a select na kha a ni. Khimi kan herh dan a zir khian Feed Dog kha a pawng chhuak in a tlum lut thin a. Chu chuan puan chhah deuh leh pan deuh thui hunah nasa takin a pui ta thin a ni.

Awle, tun atan chuan ti zawng kha ni mai rih sela, post thar ah kan chhunzawm dawn nia.

2 comments:

  1. A tha hle mai. Puanthui khawl, kut-khawl hi ka naupan lai ata tawh ka chhungkua hian kan kawl reng thin a. Tun thleng hian kan hmang tangkai theiin a tello chuan khawsak hi a buai ru tlat thei nia.... A part hming hi ka hre ve vak lem lo va, hmeichhe ho hian an hre thei khawp chuan ka hria. Milem i dah khi, khi ai khian lian deuh se, click len theih nise......

    ReplyDelete
  2. @Pu cari, a click len theih tura ka ngaih ania, a lo lian theilo a nih hi. Ka rawn siam tha ange.

    ReplyDelete

Online

Site Statistics

Follow by Email

Contact Form

Name

Email *

Message *