Mizo tawng upa zir ang

(Hei hi misual.com a ka post tawh ania, helam ah hian kan dah ve leh mai mai ange.)
Tun tum chu Mizo Idioms & Phrases(Tawng upa) hi i zir ho teh ang u. Hetiang lam post hi ka hmu khat riau mai a. A thiamlo ber hian kan post ve ange.
Chhun leh zan hun then hrang hrangte hi a hmasa ber atan zirho phawt ila, post dangah a dang chu kan chhunzawm leh dawn nia.
Ka hriat hi a dik ber e ka tihna pawh ani lem lova, unau thawnthu sawi pawh a dang e an tih thin kha, Kan hriat dan a lo inang lo deuh anih pawhin comment lamah kan sawi ho dawn nia.
1. Khawfing chah: Khawvar hma lawk hian rei vaklo thim zual bik hun a awm a. Hemi a pelh veleh hian khua in ên lam a pan tial tial thin a, chumi lo ên tan hun chu Khawfing chah ani.
2. Thingchang var: Khawfing chah hma lawk hiankhua a lo êng lawk hlek thin a, chumi hun lai chu ani.
3. Varţian: Khawvar tantirh hunlai hi Vartian ani.
4. Leilung lan: Khawvar hnu ah, thil a hmuh chian tan theih hunlai hi ani.
5. Khuantevik: Zing ar khuan hun, khawvar ar khuan hun.
6. Kawl en: Khawvar tan tirh, kawl bul lo en hun lai.
7. Ni tlang san: Ni a chhuah san tawh hnu, Dar 7/8 vel bawr ani ang chu.
8. Nau riltam/Feh reh/Thingphur haw hun: Heng te hi chawfak hun hma, tukthuan ei kham leh chawfak inkar hun lai ani. Dar 10/11 bawr vel ani ang.
9. Chawfak hun : Chhun chaw ei hun lai hi. Dar 12 vel ani mai ang chu.
10. Chawhnu thlang her: Chawhnu thlang her ah hi chuan chawhnu lam, ni in vanlaizawl a pelh tawh hun ani. Dar 1/2 bawr vel ani ang.
11. Behliang mun hun: Zanriah chhum hun aia hma deuh. Behliang hi a hmin har avangin zanriah chhum hma in an mung thin. Dar 2 bawr vel ani ang.
12. Zanriah chhum hun: Zanriah chhum hun hi chu tlai dar 3 bawr vel hi ani awm e.
13. Lo sul haw hun: Ni tlak hma deuh, feh haw hun. Dar 4/5 bawr vel ani ang chu.
14. Unau hmel hai: Ni tlak tawh hnu, khua a la thim tak tak hma si, thil hmuh fiah theihloh hun lai.
15. Leng len hun: Zanriah ei kham, tlangval te nula rim tura an chhuah hun vel hi ani.
16. Thut muan ar khuan: Zan dar 8 bawr vel ani ang. Inleng inkawmhlim hunlai vera ar khuang hi ani.
17. Leng hnawtchhuak ar khuan: Leng haw hun lai. Zan dar 10/11 vel bawr ani ang.
18. Zanlai ar khuan: Mut reh hnu, zanlai dar 12 vela ar khuan thin hun lai hi

Khawbung a la ti ta deuh deuh

Tun tum chu Khawbung ala ti ta deuh deuh tih lo chhuah chhan hi kan ziak ve mai mai teh ang.

Khawbung hian lar ve riau na a nei ve a, chu a lar ve riau na chhan chu Sangpuiipa awm vang emaw, Mizo Hlakungpui Mual awm vang emaw, A khaw nawm vang leh chho kal tur thui tak a awm ve loh vang lam a ni lova, 'Khawbung a la ti ta deuh deuh' tih tawng kam vang hi ani.

He tawngkam lar tak hi a khaw neitu te hian an zahpui lova, an iai lova, an hnualsuat lova, an hlimpui em em zawk ani. Mi te hian uar tak leh lar takin hmang se tih hi an duhthusam ani.

He tawngkam lo chhuahna bul chu Lailen khua atangin Tlaikuangah Kairuma a kai dawn hian tuna Mizo Hlakungpui mual awmna bulah hian Hmar Khawbung chi tepeng tlem te an awm a. A tam ber chu Luseiho thlangtla tur huphurhin Manipur lamah an lut tawh a. La chambang tlemte chuan Kairuma upaten kai tuma ram an en an lo hmuh in, an lo huphurh em em a. An lo kai huna insawi dan tur an ngaihtuah lawk a. "Eng hnam nge in nih?" min rawn ti ngei anga, min hnawhbo loh nan kan hnam hming saw loin," Hnam bik kan awm lo, hnam hrang hrang inpawlh kan ni," tiin kan lo chhang dawn nia," an ti a.

Kairuma ho chu an kai ta ngei a, an rin lawk ang ngeia an han zawh chuan,"Hnam bik pawh kan awm lo, i khua leh tui turte kan nih hi," tiin upate chuan an lo chhang a. An zinga pa phutkhat deuh hi an han zawt ve a, ani chuan,"Hmar," tiin a chhang a. An hotute chuan an han melh kawk a. "E, Khawbung," a ti ta roh a. An upate chuan,"Khawbung a la ti ta deuh deuh," tiin an nui zo ta a. Heta tang hian he tawngkauchheh hi a lo chhuak ta ani an ti.

Blog post copy theih loh in dah ang

Blog a kan thil post te hi mi thenkhat chuan copy theihloh a dah a, an chhuah chhawng duh anih pawhin a ziaktu te dil hnu a chhuah theih chauh turin kan duh thin a. Blog vela kan thuziak te awlsam taka copy zung zung theih anih avangin leh han in chhui zui vak ngaihna a awm loh thin avangin kan blog a kan thuziak te kan phalna leh kan remtihna ni lemlo a chhuah chhawn a awm fo thin a. Chuvang chuan hetiang hian computer atanga an copy dawn a copy theih loh a dah dan tur i han sawi teh ang.

A thawh dan tur i hriat duh chuan ka blog ami hi copy tum chhin la, i hrethiam mai ang. Amaherawh chu eng mah hi copy theihloh a dah famkim theih ani lova, a thiam tan chuan awlsam te a copy dan a la awm tho a. Amaherawh chu hei hian mi tam zawk ina an copy tur erawh chu a veng thui ve hle turah ka ngai.

Awle, a hnuai a java script code hi copy la, chuan i template edit na ah khan html kha i select anga, </body> tih hma chiah ah khan i paste dawn nia. Chuan save template tih ah i click leh anga, i blog chu i en chhin dawn nia.

How to remove facebook timeline

Facebook timeline remove duh hi an awm nual in ka hria a. Ka hriat ang ang te kan ziak ve mai mai ange.
Facebook developer account atanga siam Open Graph features enable ho tan hetiang hian tih tur ani:

STEP 1 :-  Facebook Apps page ah luh phawt tur.

STEP 2 :-  Veilam sir ah chian Open Graph i enable na app kha a lo awm anga, i click dawn nia.

STEP 3 :- Edit Open Graph tih ah khan i click leh anga.

STEP 4 :- Open Graph settings tih pathum kha i delete vek ang.

Tichuan i profile chu en la, a hlui ah khan a let leh tawh ang. Hei hi Timeline version thar hmang ho ah a theih ve loh avangin a thar hmang ho chuan a hnuaia link hi click ula, addons in install anga, browser in restart leh anga, timeline chu a bo tawh ang.

Chrome hmang tan
Firefox hmang tan
IE(Internet Explorer) hmang tan

Online

Site Statistics

Follow by Email

Contact Form

Name

Email *

Message *