Blog comment delete tih bo dan

Blogger a blog nei te tan bik liau liau kan blog a comment kan delete te tihbo dan tun tum chu i han sawi teh ang. Blog a comment te hi delete hian 'This comment has been removed by the author' tih a lo lang thin a. Hei hi a hnawksak na chin a awm ve a, chuvang chuan hemi lang reng hi in tibo dawn teh ang.

A hmasa ber ah chuan blogger a i account ah sign in phawt la. Design tih i click hnu ah Edit Html kha i select dawn nia. Chuan Expand Widget Templates tih a lo awm anga, a bul a check box ah khan i click dawn nia. Html code a inziak a hnuai ah khan i hmu anga. Kha kha kan blog code, kan edit tur chu ani dawn ani.

I edit hma in chunglam a download Full template tih kha click la, i template chu i backup hmasa phawt ang. A code tihsual palh i neih chuan i blog kha en theihloh in a awm thei a, chutiang a a awm chuan upload na atang khan i template download chu i upload leh anga, a dik leh vek mai ang.

Awle, edit dawn tan ang le. A hmasa ber in <b:loop values='data:post.comments' var='comment'> tih awmna hi i zawng phawt ang. I scroll thlak chuan zawn a hautak dawn a, chuvang chuan i browser a find na kha hmang tangkai ang che. Firefox ka hmang a, crtl leh f hmeh khan a page hnuailam ah Find tih a lo lang mai a. A pian box ah khan code ka dah hi copy paste pawp la amah in a zawng hmu nghal mai ang. A chunga ka code ziah khi i hmuh tawh chuan khimi code inziahna hnuai chiah ah khan a hnuaia code hi copy la, paste rawh le.
<b:if cond='data:comment.isDeleted'>
<b:else/>


I paste zawk chuan a hnuai lamah scroll thla la</b:loop> tih code lo awm hmasaber kha zawng leh la. Chumi code chung chiah ah chuan a hnuaia code hi copy la, i paste dawn nia.
</b:if>

Hemi i tih zawh hian save template tih kha click tawh rawh le. Tichuan i blog chu han en la, a chunga a lem a kan dah ang khi chu a lo bo tawh ang. Mahse thil pakhat buaina a la awm. Chu chu comment i delete i hide tawh hnu ah pawh khan i blog a i thu post ah khan comment awm zat khan i comment delete kha a la chhiar tel avangin comment zat inziak leh comment awm zat kha a inang dawn lova. Comment awm zat aiin comment awm tawh zat inziak kha a tam zawk dawn ani.

Mahse buaina tur a awmlo, ka sawi ang thlap hian han ti leh la, comment zat chu a rawn dik leh thlap mai ang. Khai le, hetiang hian ti rawh le. A hmasa ber in <data:post.numComments/> tih code hi han zawng leh phawt mai rawh le. I hmuh tawh chuan khi mi code ai ah a hnuaia code khi a hnuaia code hian i replace pawp dawn nia. Pakhat aia tam a awm avangin a vai in replace vek tur ani.
<font id='numComments'><data:post.numComments/></font>

I replace zawh chuan <b:includable id='comments' var='post'> tih code hi i zawng leh anga, a hnuai a code hian i replace leh vek ang.
<b:includable id='comments' var='post'>
<script type='text/javascript'>var numComments=<data:post.numComments/>;</script>


I tih zawh tawh chuan <b:if cond='data:comment.isDeleted'> tih code hi i zawng leh anga. A hnuaia code hian i replace leh vek ang.
<b:if cond='data:comment.isDeleted'>
<script type='text/javascript'>numComments--;</script>


Chumi zawh chuan <b:if cond='data:post.commentPagingRequired'> tih code hi i zawng leh anga, a hnuaia code hian i replace leh vek bawk ang.
<script type='text/javascript'>
var numC=document.getElementById(&#39;numComments&#39;);
if(numC) numC.innerHTML=numComments;</script>
<b:if cond='data:post.commentPagingRequired'>


I replace vek em tih hi ngun takin i check anga, pakhat pawh i replace kim loh zauh chuan a dik dawnloh avangin uluk hle ang che. I tih zawh vek tawh chuan Save Template tih ah click leh la, i blog chu en leh rawh le, a lo dik thlap tawh ang.

How to crack Internet Download Manager (IDM)

Internet Download Manager te hi free software anih loh avangin lei a ngai thin a, lei loh chuan Trial in thla khat(Ni 30) chhung kan hmang thei thin a. Ni 30 hnu lamah chuan serial key kan dah telloh chuan a hman theih tawh thinloh a. Tin, serial number kan neih sa pawh version thar a lo chhuah in update hnu ah serial key thar thun a ngai thin a, lei zel a ngaih avangin a buaithlak thin.
IDM crack na hi a software a hran in awm mahse heng ho hian virus a ken tel theih thin avang leh tih kual ve fe a ngaih thin avangin a buaithlak ve thei hle a. Chuvang chuan a serial key thun ziah ngai lova software dang hmang lova tih mai hi a awlsam na chin a awm ve tlat. Khai le, mahni in IDM chu i han crack ve dawn ang hmiang.
1. I IDM in serial key a rawn dil hunah che a hnuaia serial key i duh ber hi i hmang dawn nia. Hming leh email hi chu i duh duh i hmang thei ang.
Chuan OK ah i click leh dawn nia.
2. You have registered IDM using fake serial key tih error message a lo lang anga, OK i click dawn nia. Hei hi chu ngaih pawimawh duh loh tur ani.
3. I computer start button ah click la, Run tih i click leh dawn nia. Run tih box ah chuan a hnuai ami hi type la, enter i hmet dawn nia.

 (Windows 7 hmang tan heti hian tih tur :-
C:/ drive i hawng anga, Windows tih folder kha i hawng leh dawn nia. Chuan System32 tih folder chhungah khan drivers tih folder a awm anga, chumi chhungah chuan etc tih folder a lo awm anga, chuan etc tih folder chu i hawng leh ang. Host tih File ah i Right Click anga, Properties kha i select ang. Chuan security tab ah i click leh anga, chuan admin account i select ang, chuan permission pek na tur a lo lang anga, Write leh read permission kha i select vek dawn nia. A bak chu Apply tih leh Ok tih button kha click ani tawh mai.)
4. Notepad a lo inhawng anga, a hnuai a mi hi copy la, notepad rawn in hawng ah chuan i paste anga, i save dawn nia.
Thu lo in type sa a awm chuan a hnuai chiah ah hei hi i paste dawn nia. Chuan i save zawh tawh chuan notepad chu i close anga. IDM chu hawng tawh rawh le, full version ah a lo awm tawh ang. Hemi i tih zawh ah full version a awm nghal lova serial key a dil leh che chuan i computer restart la a rawn dik vek mai ang.

(Note : Hetiang hmanga IDM crack hian amah atangin a update theih tawhloh a. Chuvang chuan version chhuak thar a awm chuan i download chawp zel a ngai dawn a. IDM awm hmasa remove lovin i download thar chu i install hnan tawp ang. Version thar i install pawhin hetianga crack hi chu serial key thun nawn a ngai tawh lo, full version in a awm nghal zel ang.)

Internet Download Manager (IDM)

Internet Download Manager(IDM) hi internet atanga thil download na ah chuan a tha ber ani hial awm e. IDM hmanga thil download te hi duh hun hunah a pause theih a, mahni duh hunah a resume leh mai theih thin. Computer lam harsatna vang emaw, power supply khaihlak vanga kan thil download lai mek tihtawp a tul pawh in tih tawp a, ni danga download zawm leh mai theih ani hi a thatna em em chu ani. Hei bakah hian a download speed hi an mahni sawi dan takin download speed pangai aia a let 5 a chakin a download theih an ti a, a dik pawh a dik viau in ka hria.

Ngaihzawng ka nei ve a - I

Kam keu na
Ania lawm, nula rim pawh kha ka ngamlo rei ania. Thiante nena nula rim tura kan kal pawh a kawng chanve atanga haw leh nal nal thei kha ka nia. Khatia ngaihzawng ka nei tih an han hriat khan ka chhungte chu sawi loh, ka thiante ngei pawhin mak an tia, an nuih te pawh a za viau. Duh leh mak lo ti mai mai rawh se, a nih tur ang kan ni zo vek tawh.

Nuam ve tak ani.
Mi te pawhin ngaihzawng an nei ve thin a. Ka ngaihzawng neih ve hi chu a danglam bik nge a zei bik ni dawn ni, midang ngaihzawng nei ve te aiin nuam ka ti fâl bik hian ka hria a. Thiante ngaihzawng 10 vel neihna ai pawhin ka sawi duh zawk in sawi nuam ka ti zawk tlat.
 
Zei a har
Thil reng reng hi a vawi khat na hi zei a har duh khawp mai. La tih ngailoh tih tak ah an ina len pawhin sawi tur a vang a. Thiante thurawn min pek 'Ngaihzawng te chu pek dak zauh zauh tur' tih leh 'Tleirawl ngaihzawn chu Biri zuk nen a inang, fawh zauh zauh loh chuan a thi duh' tih pawh chu a vawikhat na ah chuan har tak ani. Thiante lah chuan,"I biri tawh em?" min lo ti ve chhen bawk si. Tih dan tur min zirtir tur an awm bawk si lo, ngaihzawng ten zeilo min tih hlau bawk si, thian ten pa lo min tih duh si lo kara len chu nuamlo ve tak ani. Zei tur chuan zah theihloh a ngai tih chu ka laina hnai pakhat hnen atanga thurawn ka dawn a ni. Mahni lo maha a zakzum chi lo nih ve bawk nen,"Engatinge ka nu hian zei sa a min hrin loh le?" tih rum rum chang a tam.

 Zei na thuruk
Zei duh avang leh zei loh hlauh avang chuan huaisenna sawmkhawm a ngai a. Lehkhabu hrang hrang ah zei nalam thu ziak a lan tawh phawt chuan chhiar loh a chhuah a awm meuh lo tan. A takin ka thil chhiar leh hriat te chu ka hmang ngam angem? Hetah pawh hian Zei tur chuan zah theihloh a ngai tih bawk chu a pawimawh leh ta tlat mai. Thian thenkhat te chuan veng mawng nuthlawi in ah Ramhuai Tuibur an han lem deuh zauh a, an zei em em mai tih chu zei dan ngaihven a phe phe ta chuan ka hrechhuak ve leh ta a. Mahse an tih ang hian han ti ve ngawt dawn ila kohhran lamah ka lo inhman ve nasat lai a lo ni bawk si. Sunday School zirtirtu te, thalai lamah pawh zaipawl member leh eng eng emaw ah nihna ka lo nei ve nual si. Ramhuai tuibur hmuam ve chuan ka mualpho thei dawn tlat. Bei a dawng leh ta, engtin nge ni ta ang le?

Hun harsa chu
Zan khat chu Sunday zan inkhawm ban hian ka va leng leh a. Thian ten," I pa lo lutuk, hmeichhia chuan pa deuh an duh. Biri tawh rawh," tiin min lo fuih ve  chhen bawk nen. Hemi zan hi chuan bialnu ten zeilo min ti ang tih hlauh vang leh thiante bulah pa loh nih hlauh vang tal in zanin chu zak chung chungin engkim ka ti ve ngam tur ani. Ka kiss ngamloh chuan min duhlo tulh tulh ang tih chu ka thurawn hmuh chhun ani bawk a pa deuh a chet ve a ngai tawh tlat. Tichuan le, ka thu ta ran mai a. Engtik ah nge ka chet ang, eng tia bul han tan tur nge tih ngaihtuahna ah a lo lut a, ka buai leh ta tlat mai.Hui ha, kei hi ka zei ve thei dawnlo ani ang. Zan a rei tial tial a, zan dar 10 bawr vel a lo rik chuan rilru ah engtin nge ni ang tih ngaihtuah ran in ka thu a. Thlan fim in min bual huh vek lo chauh tawh. Zanin hi chuan ka ti lehlo mai dawn em ni? Mai mai a, kal hma atangin zei ka tum tawh a, ka hlawhtling ngei tur ani tih chuan hnehna a chang a. Tichuan hui pap pap chung chuan thut leh deuh rih a ngai tlat. Sana lah chu a vir chak si, duh aiin hun a kal chak duh phian. Hemi hun chhung hi darkar 3 vel bawr ani a, mahse ka hun tawn ah chuan hun a kalchak ka tih ber tum leh rei ka la tih ber tum ani thung lawi si a.


Ka zei ve ta
Tichuan le, zan dar 11 a lo ri dawn ta mai a. A chhung ten lengrei min ti ang tih hlauhna a lian tan ta. Chhei le, haw a va hun tawh em tih leh eng hunah nge ka kiss ang, engtin nge bul ka tan ang tih ngaihtuahna insual vel avang chuan tawng pawh ka tawng tlem ta khawp mai. Hemi zan kher hi chuan hlawhtlin ka tum ve laklawh tawh si. 'Engatinge zanin kher ka lo tih le, hun dangah hun thawl deuh awm hunah te ti zawk ila,' tih leh 'Ka ti laklawh tawh a, zanin hian ka hlawhtling ngei tur ani,' tih chu rilru ngaihtuahna ah an insual zak zak tawh mai a. Dar 11 pawh a lo hnai tial tial a, thawm riva a tlem tial tial a, kan thawm pawh dim a ngai tan ta hle mai. Umn..., val in ka tum laklawh tawh a, a tul pawhin ka tharum in ka nuai mai ang ti rilru chung chuan ka va kuah a, a inrin loh lai ni a ka hriat ah chuan ka pawm thut a, ka kiss ta hmiah mai a le.... Ka zei ve ta. Kan in haw lo dun bawk a a lo tang bik hauh lo. Mahse kan in kiss kha ka rilru ah pakhat mah in a lut hauh lo thung. Engtin nge in kiss lai in awm tur? Ka meng kur dawn nge ka maimit chhing ang? Ka kiss ve ngawt a a tihdan tur ngaihtuah hmasak a lo ngai anih hi ka ti leh hnuhnawh. Mahse pawi lo, a awm dan ang angin ka awm ve hmiah mai ang.

Ka hawi sang hle
A tuk ah chuan thiante ho nen kan in hmukhawm leh a. Ka kal tur te chu ka hmanhmawh khawp mai. Sawi thuai thuai a chakawm tlat. Ka kal reng reng chu ka zang vah mai a, ka hawi dak deuh vah bawk a, ka nui sang bawk. Min hmu ngailo tu emaw, min lo hmu thang tu te tan pawh enge maw a hriat le tih mai tur khawpin siamtharna ka chang tlat. A hre duh chuan min zawt zel rawh u, Thangchhuah pa ka ni tawh tlat, ka hawi sang hle tur ani.

Zawhna chhan nuam
Thian te ho nen chuan a ngai te bawk in kan chhuahkhawm na thin ah chuan kan chhuak khawm kim ta a. Zan lama kan chet dan vel report hrang hrang a lut a. Tum dang ang bawkin tu emaw tal in," I biri tawh em?" tih min zawh hun tur chu nghakhlel takin ka lo thlir a. A tawp ah chuan kan thian pakhat chuan chu zawhna ngei mai chu min rawn zawt leh ta chat mai le. Nidang ah chuan chhuanlam eng eng emaw siam a in sawifiah viau zel ngai thin kha ania. Tun tum chu chhuanlam siam a ngai tawhlo tlat. A chhanna pawh sei tak a ngai lo, "Dawn lawm ni" tih zawng a tawk mai. A bak chu engmah ka sawi zui dawn lo. Zawh thui vak pawh ka ngai tawh lo, nuih ver ver ani tawh mai.

(Hemi chinah hian duhtawk phawt ang, ni dangah ka rawn chhunzawm ang).

Electric wiring

Kan hriat hmasak ber tur chu AC leh DC hi ani. AC chu alternating current tihna a ni a, DC chu direct current ani leh mai a. A hriat awlsam dan ber chu electricthir ban atanga kan pawh luh hi AC chu ani a, battery atanga chhuak ho hi DC chu ani ti ila kan hrethiam mai ang chu maw.
Tichuan, wiring ti tur chuan AC chu kan hriat hmasak a ngai a. AC ah chuan line hi phase, neutral leh earth ti in then hran ani a. A awmzia ah chuan hrui pathum a kal a, pakhat phase line, pakhat neutral line leh pakhat earth line ani. Phase kan tih chuan current kalna ber ani mai a, neutral leh earth ah chuan a hranpa in a kal ve lemlo.
DC lamah erawh chuan line hi Positive(+), Negative(-) leh Ground in an then tlangpui bawk. Ground tih leh Earth line hi a hming a hrang mai mai a, a hnathawh dan erawh chu a inang deuh tlangpui.
Tichuan kan hriat hran awlsam lehzual nan AC ah chuan line pakhat chauh atangin power a kal thin a, DC ah chuan line pahnih ah a kal thung ani. Hei hi theihnghilh miahloh tur ani.17
Wiring kan tih dawn chuan phase atanga current rawn kal kha neutral line nen a intawh chiah khan a eng thin ti ila hriat a awlsam mai in ka ring. Current rawn kal na hi phase line chu ani mai.
Tichuan phase line atanga current rawn kal chu neutral line ah a kal kual leh ta a, tichuan eng kan lo nei thei ta ani timai ila kan hrethiam tlang thei in ka ring. Phase line a current kal khan amah in electricbulb a ti eng thei lova, neutral nen a inzawm chiah khan a eng thei ta chauh ani.
 Phase leh Neutral line indek in eng a siam tih kan sawi tawh kha. Chumi anih chuan current ti eng thei tur chuan ngei ngei in wire pahnih, phase leh neutral line i zam ngei ngei a ngai ta tihna ani a. Earth/Ground hi zam tel a that avangin hrui pathum zam a ngai thin a, mahse hrui pahnih zam in tha takin hna a thawk thei tih kan hriat kha tawk phawt sela.
Chuan wire chu i duh dan ang takin i zam ta a, series leh parallel in line hi a siam theih a. Chumi awmzia chu hrui pahnih chauh ring khan line tam tak i pawtpeng thei tihna anih chu. Parallel ah chuan line pakhat atan hrui pahnih zel i zam a ngaih avangin hrui tam deuh tak i zam kual duah a ngai dawn tihna ani.

Wiring tih dawn hian line hrang hrang te hi a color inanglo hman a tha, chhinchhiah a awl bak ah chhui a awlsam bik ani. Entirnan, phase line ah hian India ramah chuan hrui sen(red) hman ani tlangpui a. Neutral ah a dum, ground ah a var. Mahse hei chu mahni duh dan leh hriat awlsam theih dan tur color hman mai pawh a pawi lo, a color pawh chi tam tak a awm tawh avangin. Hetah hi chuan phase ah wire sen(red) kan hmang anga, neutral ah a dum(black) leh earth ah a var(white) kan hmang ang.
Wire hi chi hrang hrang a awm ve a. A tha chi leh thalo deuh chi a awm a. Chuvang chuan lei dawn ah thlan uluk a tha. A chhe chi a man atlawm avanga lei ngawt kha a fuh lemlo. A tlo loh bakah a him tawklo fo thin.
Wiring ti tur chuan Tester, Player, Wire cutter, black tape i mamawh a. I wiring tihna tur in azir in thil verhna tur i mamawh bawk ang. Tuboh i mamawh tel bawk ang. Heng bakah hian wire, switch, holder, tube light etc te inchhunga dah i duh ho kha i mamawh i neih ngei ngei ngai ani.
Nalh tak leh tha taka wiring ti tur chuan wiring ti tu te hi an pawimawh ber a. Idea tha leh thalo kar a hla thei hle ani. Chuvang chuan hna tan hma in inchhung awmdan ngun taka zir chian a, switch, plug, light leh eng eng emaw dahna tur te i ngaihruat fel vek hnu ah i hna i tan chauh dawn nia.

Ruahmanna i siam fel vek hnu chuan wire zam chu hna hmasa ber ah i nei anga. Point hrang hranga i hman tur te mumal taka i zam vek hnu ah a dang chu i buaipui chauh dawn nia.
Wire i zam zawh vek hnu ah chuan switch, plug, tubelight etc te i vuah ve leh anga, tichuan wiring chu i zo fel ta ani. Amaherawhchu switch leh plug etc ah hian wire hi uluk taka zam kual a ngai a. Tih dikloh chuan chhiat vek theihna thlentu ani.

Search box for blogger

Tun tum chu blogger a blog nei te tan liau liau Search box dah dan kan post ve mai mai ange.

Blog emaw, website emaw a search box dah hi a tha in thil engemaw han zawn duh pawhin a awlsam phah riau mai a. Thil har tak ani lemlo bawka a tihdan ka sawi anga, in hrethiam turah ngai ila. Hriatthiamloh a awm chuan comment lamah kan sawifiah mai dawn nia.

Awle, Google search box chu hetiang hian i dah dawn ang hmiang:-

1. A hmasa ber in blogger ah sign in  phawt la.
2. Design/Layout tih ah i click anga, page element tih ah khan i dah duhna lai zawn ah Add a gadget tih kha i click dawn nia.
3. A hnuaia code hi copy la, i paste mai dawn nia.
<form action="http://www.google.com/search" method="get"><div style="border: 0px solid black; padding: 4px; width: 20em;"><table border="0" cellpadding="0"><tbody><tr><td><input maxlength="255" value="" name="q" size="25" type="text"><input value="Search" type="submit"></td></tr><tr><td  align="left"><input checked="checked" value="YOURBLOG.blogspot.com" name="sitesearch" type="checkbox"> only search this blog</td></tr></tbody></table></div></form>

4. Your blog tih aiah khian i blog hming i type anga.
5. Save la, i blog chu enchhin rawh le.


Burn to cd without burning software

Tuntum chu software hranpa hmang lova windows atanga thil write dan hi i sawi ve thung teh ang.

Write na software hrang hrang Nero etc, te awm mah se hetiang software ho hi neihloh palh hi awm ve thei ani a. Tin, kei chu ka hard disk hi a len vak loh bawk avang hian hetiang ho han thun hian space a heh riau avang hian ka computer a ti muang vek thin a. Chuvang chuan software hran hmanglova write dan tur hi ka zawng ta ngat ngat a. Windows hian tha deuh mai a lo chhawm sa reng mai a. Kum 5 lai chu software hran hmanglovin he thil hi ka lo hmang ve ta a, a thatloh bikna ka hre chuang hauhlo mai.

Awle, i la hre velo anih chuan hetiang hian han ti teh le.
1. A hmasa ber ah chuan a write na tur writer, DVD emaw, CD writer pangai emaw i neih phawt a ngai.
2. Writer i neih tawh chuan i thil write duh eng pawh write nan khan CD/DVD blank disc i neih leh phawt a ngai.
3. A chung pahnih khi i neih tawh chuan i disc chu writer ah chuan han thun la.
4. I thil write duh chu software ani emaw, video pawh nise a awmna kha han hawng la, right click in send to tih ah khan CD/DVD writer tih kha select la, send tawp phawt mai rawh le. Hetiang a ti lo pawh hian copy/paste hmangin tih ve mai theih a ni bawk.
5. I file duh ho i dah kim tawh chuan DVD/CD drive chu han hawng la, hidden file ang deuh in i file dah ho chu a lo awm vek anga. Veilam sir box ah khan Write these file to CD/DVD tih a lo awm anga. Kha kha click pawp mai rawh le. A bak kha chu han hriatthiam loh vak tur a awm tawh lova, nangmah pawhin i ti thei tawh mai ang.

Hetiang a thil write hi a that ve na em em chu video te, image te, data te disc pakhat ah a write theih vek hi ani. Tin, i disc hman hnu ah khan space a la awm chuan dah belh duh i neih pawhin write leh mai zel theih a ni a. A tha vei riau ania.

Windows 7 leh vista ah pawh hei hi a hman theih a, tlemin a tih dan inanglo deuh mahse a tlangpui i hriat chuan mahni a tih theih vek ani e. Tuna kan ziah hi Windows XP ami ang ani e.

Online

Site Statistics

Follow by Email

Contact Form

Name

Email *

Message *