CRT, LCD and LED

TV nihphung kan sawi tawh a. Tun tum chu TV chihrang hrang lo en teh ang. Tunlai khawvel ah chuan CRT, LCD leh LED tih hi a lar viau tawh a, chutih laiin la hriatpawlh kan awm nawk mai.
TV bik ah chuan CRT anih chuan cathode ray tube tihna ani mai a. Kan hriat awlsam theih dan tur ber chuan TV hnung pawng pur ho hi CRT tv chu ani deuh mai, mahse LCD leh LED ah pawh a hnung pawng a awm thin tho a. CRT ang em em chuan a pawng lian lo thung.
LED anih chuan Light Emmitting Diode tihna ani leh mai a. Kan hriat awlsam theih nan khawchhak chhuak lighter, a mawng lama torch light a chhawm tel rawn êng lai tak hi LED chu ti mai ang. A shape leh size hi a danglam nual a, mobile phone keypad rawn ti êng tu pawh hi LED ani a.
Mahse lighter a kan hmuh ang nen chuan a danglam daih thungani. LCD chu Liquid Crystal Display tihna ani a. Hetah hi chuan CRT leh LED te angin a awm ve lova. Liquid anih ang tak hian tuiril(ti mai ang) a hmang ve thung ani.
LED TV te hi an phek ve thler thin avangin LCD TV emaw tih mai a awl hle a. TV bakah Computer monitor ah te pawh hian hriatpawlh a awl hle. Hmanni lawkah kan thiante TV lei pawh LCD an tia, mahse kan enchiang a,LED a lo ni zawk a. LCD chu tuiril kan tih tawh ang deuh khan a hriat dan awlsam ber chu a screen han khawih ila, a lo nem deuh hlek anga, a chhungah pawh tui awm ang deuhin a khuar thla thei thin ani.
CRT leh LED hi chu han hmet mah ila an sak tak maia. A kuk rik tleng tleng theih thin ani. CRT leh LCD ai hian LED screen te hian picture an display hi a fiah bik bakah mit a hahdam bik bawk ani. Tin, a man thu ah pawh a to zawk zel bawk.

February ni 29

Vawiin hi ni pawimawh tak mai, kum li danah chauh kan neih thin ani a. Chuvang chuan sawi ve reng reng ah pawh post siam ve mai mai teh ang. Tun ang hun hi kum li a lo thlen leh hma chuan kan hmu leh tawh dawn si lova. Chutih hunah chuan khawvel hi engtin nge a awm dawn tih pawh kan hre lawk hauh si lova. Chuvang chuan tun hun chance kan neih lai hian he post hi ropui takin ka tichhuak e, hahaha

No icon at desktop problem

Virus vang in computer desktop-a Icon lang thin te hi lang lovin a awm fo thin a. Hei hi virus in system 32 emaw, explorer.exe a tihbuai vang emaw ani tlangpui thin. Hetiang a i computer a buai anih chuan hetiang hian computer boot tha kher lovin siam theih ani e.

Hetiang buaina hi Taskmanager hawn in chinfel theih ani a. Mahse virus hian Task manager hi hawn theihloh a a dah thin avang leh taskmanager atanga siam pawh hi a chhiat leh vat zel avangin a tihdan dang kan sawi dawn ani.

Hetiang buaina chingfel tura i mamawh te chu:-
1. Hiren Boot CD emaw Live CD
2. explorer.exe file

Explorer.exe hi computer tha pangai atanga copy mai tur ani a. Computer thenkhat ah chuan copy theihloh a a awm thin avangin Hiren emaw Live CD emaw i run phawt anga, chumi atang chuan i copy mai dawn nia.

Tichuan, i computer chhia ah chuan Hiren Boot CD emaw Live CD emaw chu run la, C drive ah WINDOWS tih folder chhungah khan explorer.exe tih kha copy phawt rawh le. Tichuan i computer chu i restart anga, desktop icon ho chu a rawn lang tawh mai ang.

Tichuan i computer chu restart leh la, Hiren Boot CD/Live CD chu run leh la, A antivirus awmsa chuan i computer chu scan chhuak leh vek la. I buaina chu chinfel ani tawh ang.

Hiren leh Live CD khi amah a boot tir tur ani a. Hiren ah chuan Mini Windows kha select tur ani. Hetiang a boot thei tur chuan i BIOS settings ah khan First Boot Device ah CD/DVD ROM kha i select dawn nia. BIOS settings hi motherboard company hrang hrangah a inanloh avangin a siam dan hi chu mahni in lo inzawng mai ula.

BIOS a luh dawn chuan i computer i on rual khan Del Key emaw, F1 emaw, F2 emaw, F12 emaw kha i hmet dawn nia. Tunlai computer chhuak thar ho ah hi chuan Del Key hmeh ani tlangpui.

Make folder without giving a name

Computer ah hian Folder kan siam thin a, a siam dan pawh kan hre theuh tawh awm e.
Tin, a folder hming thlak dan pawh hi kan hre tawh hlawm in a rinawm a. Tun tum ah hian folder hming nei miahlo a siam dan kan sawi dawn a ni.
A hmasa ber ah chuan i folder duh kha select la, right click la, rename ah click rawh. Rename na a rawn in open veleh khan Alt hmet chungin 255 hmet la. Tichuan i folder chuan hming a nei tawhlo ang.
Alt+0160 pawh ani tho ang.(numpad a tang). I rename hnu ah chuan right click la properties ah click la customize ah click leh rawh,chuan a icon ah pawh khan a blank thlang la,a hming chauh nilo in a folder pawh a bo ang(auto arrange ah dah lo la). A sir hnuai lam deuh ah te khan han pawt thla la,folder leh file dang hlat deuh hlek in han dah teh, a awm na hresa lo tan chuan a awm tih a hriat theih miah loh.

Make your computer startup fast

Tun tum chu Windows XP hmangtu te tan computer boot chak tir dan i sawi teh ang.
Hetiang hian ti rawh le:-
1. Notepad hawng la, a hnuai ami hi type la. ntosboot.bat tiin c drive ah i save dawn nia.
del c:\windows\prefetch\ntosboot-*.* /q
2. Start menu ah click la, run ah click leh la. gpedit.msc type la, enter i hmet dawn nia.
3. Computer configuration tih ah khan Windows settings ah khan double click la, Shutdown tih ah khan i double click leh dawn nia.
4. Window thar lo inhawng ah khan add tih click la, browse i click leh anga. BAT file C drive a i save tak kha i select dawn nia.
5. OK, Apply, OK ah i click leh ang.
6. Start menu atangin run click leh la. devmgmt.msc tih type la, enter hmet leh rawh le.
7. IDE ATA/ATAPI Controller ah khan double click leh la. Primary IDE channel ah khan right click la, properties kha select ang che.
8. Advanced settings tih tab kha select la. Device 1 ah khan Device type ah khan Autodetection tih select la. OK ah click rawh.
9. Secondary IDE channel ah right click leh la, a chunga i tih ang chiah hian(step 8) ti leh rawh.
10. I computer restart rawh le...
Kha zawng kha a ni e.

Television

Tun tum chu TV(Television) chungchang hi tawi te in ka rawn sawi ve mai mai teh ang.

Tv hi thingtlang kilkhawr ber thlengin a awm kim deuh vek tawh in ka ring a, keini khua ve riang ruang ah pawh in tin deuhthaw ah hmuh tur a awm ta der mai. TV hi khawl thil anih avang in chhe ve thei ani a. A chhiat theih dan pawh kawng hrang hrang a awm a. A siam dan pawh a inanglo thei hle.

Chutih rual chuan TV hi company hrang hrang te siam ni mahse a lo chhiat pawhin a chhiatna lai awlsam taka chhui theih turin mumal taka design ani a.TV chhung kan hawn chuan a circuit board a lo awm anga, kan hriatthiam theih dan tur chuan computer motherboard ang hi ani mai a.

Chu a circuit board ah chuan TV nun theihna tur leh a mamawh part hrang hrang a invuah thin ani. Circuit board ah chuan TV kan en theihna tura part hrang hrang awm te chu mumal taka remkhawm in section hrang hrangah an then a. A langsar leh hlawm lian deuh te chu Power section, Video section leh Sound section te an ni a. TV chhe siam thiam tak ni tur chuan heng section hrang hrang awmna hi hneh taka hriat a ngai ani.

Power section chuan tv a curren lut lo dawnsawn leh hmun hrang hrangah, video section ah te sound section ah te semdarh hna a thawk a. Video section chuan video lantir hna a thawk a, sound section chuan sound pekchhuah hna a thawk thin.

I tv nung reng chung leh picture lang reng chunga sound a awmloh chuan sound section kha check tur ani a. Picture a lan loh chuan video section check leh mai tur ani. Power section a chhiat chuan i tv a nung theilo ang. Tin, power section atanga supply hmuhloh vang emaw, mamawh aia tam emaw tlem emaw sound leh video section lamin an hmuh chuan sound te, video problem a awm thin ani.

Tun tum atan chuan duhtawk phawt mai ang.

Restart your computer easily

Computer hi software install vang emaw, chhan dang eng eng emaw vanga restart a tul thun a. Start>Turn off computer>restart click hian kan restart mai thin a. A restart chhung a rei bakah abik takin software thar kan install a restart a ngaih hian, kan mamah tel miahloh BIOS restart thlenga a kal thin avangin awlsam te in i mamawh windows chauh hetiang hian restart rawh le.
Click Start>Turn off computer>Shift hmet chungin restart button kha i click dawn nia.

Online

Site Statistics

Follow by Email

Contact Form

Name

Email *

Message *