Hmanni chu kan khaw lui pakhat a chakai chu turin an lo hrai a. A hraitu te hi man an ni in chawitir an ni a. He thu hi kan Branch YMA chanchinbu ah min rawn chhuah tir a. Ka ngaihtuah ta mai mai a, patling pumpa ve tan chuan a themtlaw thlak viau a hriatna ka nei tlat mai.
Kei pawh hi lui kal nuam ti tak mai ka ni a. Len den leh nghakuai khai ka peih thin khawp mai a. Tin, chakai hi ka ei tha peih miahlo nain a man lam hi chu ka peih ve khawp mai. Abik takin chakai phei chu lui dung han zawh hian mahni chhung eikhawp hi chu a vakchhuak man mai tur a la tam em em si a. Tur hmanga beih chiam hi a tullo ka ti khawp mai. A tlaw thlak emai.
Nungcha te leh thing leh mau te hian kan hringnun a ti nuam a. He khawvel hi chenna tlak a siamtu an ni si a. Chutih lai karah Pathian in anmahni enkawl a, chenho pui tura a siam mihring te hian nungcha leh thing leh mau humhalh nachang hi kan va hrelo in kan va la mawl tak em!!!
Tur hmanga nungchate hrai ching an la awm fo mai hi a pawi a ni. A ei khawp lek lekin man mai se, chuti nilova tura hrai anih chuan a chi chhuahtu tur a zuah dawn lo tihna a nia. Chakai tan chang a pawi a ni lova, khawtlang tan thil pawi tak a thlen a ni. Hetiang tih ching hi khawtin deuhthaw ah an la awm a, a hremna lampang hi na deuh talha lekkawh a tul khawp mai.
ReplyDeleteA dik khawp mai Carri. Tur hmang hrim hrim a sangha leh lui dunga nungcha te beih hi kei ka huat zawng tak ani. Tin, a hremna chungchang ah pawh na deuh taka hrem khi ka tawmpui khawp mai che.
ReplyDelete