Home » » Chawhpawlh

Chawhpawlh

MHIP CALENDAR IN MIN TI BUAI
Hman zan kan committee chu MHIP Calendar 2011 in min ti buai. Programme pawimawh tak mai hman tur kan nei a, kan hman hun tur kan han rel tur kha JULY thla a a ni an dah dikloh vangin kan buai chiam mai, a diklo kan ruat hman tep. Tun hnu ah chuan fimkhur tawh rawh se.

I TI DUH E A
Hmanni kan nu te sikul kal chu ka thianpa nupui nen an lo in hmu a. Ka thianpa hi June thla khan Facebook account ka siam sak a, a hrat ve hle a ni awm e. An nu chuan kan nu bulah,"Tunlai chu Facebook a ti reng mai, ka ning lutuk," a lo ti a ni awm e. Kan nu chuan,"Mai mai a, keini kan inneih hma atangin Misual.com an lo ti tawh ania. Engmah kan sawi ngai hleinem," a lo ti ve khauh mai. Misual leh FB lama ka regu viau hi kan nu hian a ning ve tho na in min hrethiam khawp mai. Khawi emaw lai a va lenchhuah ai chuan FB leh misual a ka luh tam hian in lamah ka awm tam zawk a, nuam a lo ti zawk daih.

 
DAH DAI PHAWT TA CHE...
Tum khat chu ka patea te inah Coca Cola kan in dawn a. Ka patea fapa naupang ber chuan a chhin a hawng a. A rawn so ta bawrh bawrh kha ka patea chuan lo hrethiam hek lo le. A fapa hnenah chuan,"Dah dai phawt ta che," a lo ti vin tuarh mai. Inchhung a awm ho zawng zawng kan nui vek. Nangni pawhin in hawn hma in lo dah dai hmasa zel tawh rawh u.

ZAHZEL HO
Tumkhat chu kan thianho in zu kan thlawr dawn a. Zan ah kan inah kan riak khawm a. Zing Dar 2 velah zu thlawr tur chuan ramhnuai lam kan pan a. Kal kalkawng ah chuan High School a kan Headmaster te in a awm a. Kan kal thla an tual kan thlen chuan a zan zung tur a lo chhuak hlauh mai a. Kan thian pakhat chuan zahzel ah a bel mawng pawp ken mawng chu a beng a,"Ka thlarau tho la hlim takin" tih hla kha a rawn sa a. Kan zawmthla thap thap. Mahse min hmutu tan kha chuan kan tih tur kha hai rual loha chiang ani.

5 comments:

  1. A va hlimawm vur vur ve aw...hihi. In nu khi ka tan hle mai. Rilru zau tak put a ngai. Ani paw'n a thatna lai a lo hmufuh a, a hahdam thën a nih kha le.. A tawp ber hi a hit leh bawk! A va hlimawm vur vur ve aw...hihi. In nu khi ka tan hle mai. Rilru zau tak put a ngai. Ani paw'n a thatna lai a lo hmufuh a, a hahdam thën a nih kha le.. A tawp ber hi a hit leh bawk!

    ReplyDelete
  2. Phone atanga ka comment hian comment pakhatah a lut double ziah mai. I lo hrethiam dawn nia. Chuan, word verification hi paih daih la...:-)

    ReplyDelete
  3. @TS, nia ka blog i lo en thin a ka lawm khawp mai. Nia word verification hi mobile atang phei chuan a buaithla lutuk a. Ka lo paih daih dawn nia.

    ReplyDelete
  4. A tha hle mai, i blog hi ka lo lut ngai lem loa, mahse hei rophumruk a lo tam hle mai, hetiang ang thuziah hi tunlai thalaite tan phei phei hian chhiar anuam in, a in chhirawm loh theih khawp mai.
    Dahdai ve phawt ta che, khi ka duh lehzual, tin a tawpna pawh hian min tinui nasa khawp mai

    ReplyDelete

Online

Site Statistics

LATEST COMMENTS